ORANJESTAD - Riba diahuebs 23 di april Gobernador di Aruba, S.E. Alfonso Boekhoudt, a tuma contacto telefonico cu 17 ciudadano di Aruba pa informa nan cu Su Mahestad e Rey tin e placer di condecora nan den un "ridderorde". Durante e ceremonia anual di “lintjesregen” ta otorga Condecoracion Real den e “Orde van de Nederlandse Leeuw” y den e “Orde van Oranje-Nassau” na ocasion di celebracion di hacimento di aña di Su Mahestad e Rey. Entrega di Condecoracion Real mes, segun e ceremonia tradicional, e aña aki lo tuma luga riba un otro fecha. Riba ki dia e por tuma luga ta depende di desaroyo di e coronavirus. Door di yama e condecoradonan personalmente y anuncia ken a haya un condecoracion real, toch ta duna reconocimento na esnan cu a haci un contribucion special na comunidad.
A condecora e siguiente personanan como “Ridder in de Orde van Oranje-Nassau”:
· Jacob Bult
· Peter Paul Michael Theodoor Hermans
· Imy Josephine Cecile Heinze-Lasten
· Alexander Maarten Nieuwmeyer
· Olga Josefina Buckley
· Jan Willem van Nes
A condecora e siguiente personanan como “Lid in de Orde van Oranje-Nassau”:
Sebastian Israel Falcon
Elizabeth Phillis Craigg
Reuben Laurence Craigg
Maria Louisa Croes
Rolando Juan Croes
Edwardo Fernando de Graf
Jacobo Dominico Henriquez
Swinda Anastacia Thiel
Elba Lucilda Hirschfeld-Smith
George Jozef Geerman
José Bernardino Andrade do Salâo
PALM BEACH – Radisson Blu Aruba e siman aki a anuncia e regreso di e gerente general local Luigi Wix. E tabata na timon di e ekipo caba ora cu e hotel a habri su porta. Awor cu e hotel ta celebra su di 3 aniversario, nan tine bek na cabez, y ta considere como un capitulo nobo di crecemento y inovacion pa e propiedad hoben. Wix tin experiencia hotelero adkeri di e.o. Wyndham Hotels & Resorts, InterContinental Hotels Group (IHG), Divi Resorts y Marriott Vacations Worldwide.
MIAMI – E barco crucero mas nobo di e compania Virgin Voyages su flota Lady, Brilliant Lady lo bishita Aruba for di October 2025 caba. E barco mes ta keda lansa un luna prome na September 2025. E plan ta pa na October 2025 e Sali for di Miami y bishita Aruba, Bonaire, Curaçao, y Cartagena. Brilliant Lady lo bishita lugarnan faborito manera Turks & Caicos, Antigua y Grand Cayman y Ocho Rios na Jamaica. Pues otro barco crucero ta duna Aruba e importancia, y ta inclui nos isla e mesun temporada cu e keda lansa.
ORANJESTAD - Habitantenan di Bucutiweg a comparti nan rabia y disgusto cu nan tabatin pa e hecho cu bishitantenan di e concierto latino diasabra anochi a blokea nan casn y di bisiña. Segun e relato di e habitantenan, tabata alrededor di 8:30 diasabra anochi riba Dia di Rey cu e bisiñanan a nota cu algo straño ta pasando den nan bario. Un cantidad di auto a cuminsa aglomera canto di e caminda riba Bucutiweg cu ta un caminda sin continuidad, pues e ta limita na mas direccion pasobra cu e ta caba na e cura di Aeropuerto. Bisiñanan no tabata tin un idea di kiko tabata pasando y a cuminsa puntra otro ken sa di algo cu por tin den nan bario cu normalmente ta hopi trankil. Pero despues di un rato e cantidad di auto a bira asina hopi cu nan casnan a keda blokea.