Oduber: Prome victima di coronavirus a haya complicacion

ORANJESTAD – E persona femenino cu a fayece diaranson marduga a consecuencia di coronavirus, tabatin otro complicacion tambe aunke no ta conoci ainda kico exacto e complicacionan aki tabata. Asina minister di Salud Dangui Oduber a confirma pa noticiacla.com durante e briefing di diaranson merdia. Mas prome minister presidente Evelyn Wever a bisa tambe cu ta investigando e caso pa wak kico exactamente complicacion tabata. Pa loke ta e pregunta, Oduber a sigiu contesta e pregunta di e portal aki, cu e persona cu a fayece tabatin 15 dia hospitalisa, pero no tabata den cuido intensivo. Pa loke ta e complicacionan, no por a bisa ainda kico exacto e complicacionan tabata cu a pone cu e persona lamentablemente a fayece.