Aruba a conoce su prome fayecido di COVID-19

ORANJESTAD – E investigacion riba e morto di e homber DJ Venezolano na Aruba ta tumando lugar. Asina minister di husticia Rocco Tjon a informa diasabra pa medio di un comunicado.  E mandatario ta bisa mes momento si cu  sinembargo, na e momentonan aki no por divulga ningun informacion pa asina no stroba e proceso hudicial.Na mesun momento, e mandatario ta pidi cooperacion di comunidad pa no stroba e proceso hudicial y tambe ta pidi cooperacion di cualkier persona cu por tin informacion valioso y cu por yuda resolve e caso pa porfabor tuma contacto cu e “Tip Line” di KPA na 11141 y lo percura pa esaki keda completamente anonimo. 

ORANJESTAD - Segun resumen di awe 18 persona a recupera y un total di 11 caso nobo di COVID-19 a keda registra di cual 3 ta no- residente. E cifranan aki ta representa un 'Positivity rate' bou di nos residentenan di 5%. E cantidad di casonan activo di COVID-19 pa awe ta 149 y cantidad di fayecidonan relaciona cu COVID-19 ta 171. Datos ta ilustra casonan nobo di COVID cu un average semanal di 13 caso pa dia y un averahe di 'positivity rate' semanal di 8% pa dia.

ORANJESTAD - Un fundacion cu curason ta consisti di trahado cu tin pasion pa nan trabou. Trahado cu ta yena cu energia y ta inspira otro. Cu ta dedica na nan trabou y e clientenan.    Awe e fundacion kier presenta 3 persona cu pasion pa nan trabou y cu amplio experiencia, cu kier comparti kico e trabou ta significa pa nan, pa e calidad di cuido di e cliente y con comunidad di Aruba por aporta. 

BOGOTA – E aeroliña Colombiano di costo abou Viva Air, cu ta parti di Grupo Viva, a haci peticion pa cuminsa bula for di Colombia pa Aruba. E aeroliña ta uno relativamente hoben cu a wordo funda na 2008 y a inicia operacion na mei di 2012. Ora cu Noticiacla a acerca Jo Ann Arends, Air Service Development Manager na aeropuerto di Aruba, esaki a confirma cu enberdad e aeroliña a haci e peticion pa e ruta, pero no tin confirmacion ainda. “Nos tabatin comunicacion hopi di cerca cu e aeroliña desde 2018”, sra Arends a sigui bisa. Dentro di e proximo dos siman nan lo reuni cu otro atrobe. Mientras cu e no por a confirma for di cua ciudad e aeroliña tin intencion di cuminsa bula pa Aruba, e portal aki a compronde cu nan base ta na Medellin. 

ORANJESTAD - Segun resumen di awe  17 persona a recupera y un total di 14 caso nobo di COVID-19 a keda registra di cual 2 ta no- residente. E cifranan aki ta representa un 'Positivity rate' bou di nos residentenan di 8%. E cantidad di casonan activo di COVID-19 pa awe ta 156 y cantidad di fayecidonan relaciona cu COVID-19 a aumenta na 171. Forsa na famia di e fayecido. Datos ta ilustra casonan nobo di COVID cu un average semanal di 12 caso pa dia y un averahe di 'positivity rate' semanal di 9% pa dia.

ORANJESTAD – Crisis Team y SMAC a aproba pa e prome fiesta bailable tuma lugar despues di un aña y mei debi na e pandemia y ta tuma lugar dia 13 di november proximo. Ta trata di un fiesta den ballroom pa 250 pareha cu mester ta sea vacuna of por a presenta un test negativo di covid19 na entrada. Manera ta conoci, pa mas di un aña y mei a prohibi tur fiesta bailabel debi na e pandemia y no tabatin oportunidad mas pa balia. Como tal awor a dicidi pa haci un fiesta di prueba, cu bista riba carnaval, completo cu banda live y manera e nomber ta bisa, por balia. E portal aki a compronde cu esaki ta den tono carnavalesco, mirando e cercania di e fecha di 11-11, cu ta e inicio di e temporada di Carnaval. Di otro banda, a compronde cu mirando cu no a tene actividad carnavalesco e aña aki pero si a haci apertura di carnaval aña pasa, e apertura ey ainda ta vigente.