- Gotopo: Prolongacion di cierre frontera cu Venezuela ta un medida absurdo
- Ultimatum pa dicidi riba suma cu radionan mester paga DUCAPRO tur luna, a vence sin resultado
- Inflacion ta mas abou na Boneiru, mas halto na Sint Eustatius y Saba
- Gobierno Hulandes ta evaluando pa stop su paginanan riba Facebook
- Travel& Leisure: Aruba ta top lista di 10 resortnan all-inclusive den Caribe
Pashent contagia cu COVID-19 por a pega clientenan di salon di beyesa
ORANJESTAD – Un di e pashentnan cu ta actualmente hospitalisa y den cuido intensivo pa coronavirus, lo por a pega un grupo di persona na Aruba cu coronavirus. Noticiacla.com a compronde cu ta trata di un persona cu ta envolvi cu e beautysalon Secret Beauty Salon na Avenida Milio Croes, cu lo por tabatin contacto cu hende entre 26 di maart y 4 di april ultimo.
MENCION DI E SALON
E vocero di DVG Jurette Croes diamars merdia durante e briefing di merdia riba coronavirus, a bay asina leu di pidi pa esnan cu tabata den e salon (mencionando e salon su nomber y adres) durante e dianan of entre e dianan ey, y cu por tin algun di e simptoma di e virus, pa tuma contacto cu e diagnostic center mesora na 2800101. Mientras cu Croes no a bisa esaki directamente, a compronde cu tin sospecho cu e persona aki lo por a contagia un grupo di persona cu a bishita e salon entre e dianan ey.
PRIVACIDAD
Esaki ta un di e prome biahanan cu a desvia di e regla di privacidad, (esta cu no ta divulga nomber y detayes di esnan contagia pa motibo di privacidad) cu a pone cu DVG a comparti cierto informacion ‘priva’ di e pashent, na bienestar general pa evita un problema aun peor. Den e cuadro ey a opta pa divulga nomber completo y adres di e salon unda cu e persona aki tabata traha of ta doño, pa alerta posibel personanan cu por ta contagia cu e virus, sin cu nan sa.
SHELTER IN PLACE
Otro cos cu ta bira 'interesante' ta e hecho cu pa 29 di maart 2020 Shelter in place a drenta na vigor, pues for di henter un siman e lugar tabata habri y lo por tabata ricibi cliente. Y esey ta implica cu e la viola e regla y como tal por haya multa fuerte como negoshi. No ta conoci si a actua contra e negoshi ey.
HOH: Ocupacion di cama poco poco ta bek na normalidad na hospital
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
Stampiaaruba cu exposion di stampia na Aruba pa celebra 17 aniversario
Oficina principal di DIMP ta cera awe diaranson pa mantencion
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.
Den cuadro di reposicionamento, FPNA ta cambia su nomber pa Aruba Conservation Foundation
ORANJESTAD – E organisacion independiente di conservacion di naturalesa conoci como Fundacion Parke Nacional Aruba (FPNA) ta usa e ocacion mundial di Dia di Mama Tera pa revela su transformacion pa Aruba Conservation Foundation (ACF). E transformacion akinan ta encera un nomber nobo, un logo, y identidad visual nobo cu ta alinea na e direccion strategico di e organisacion como un organisacion moderno di maneho di conservacion y alavez ta alinea na e necesidad actual pa conserva naturalesa di Aruba. Asina, e organisacion ta despedi di ta un organisacion tradicional di maneho di parke cu hopi a bin ta conoce pa mas cu 20 aña.
Parlamentario Ryçond Santos Do Nascimento ta invitado den Noticiacla LIVE awe nochi
ORANJESTAD – Parlamentario independiente Ryçond Santos Do Nascimento ta e invitado den e programa Noticiacla LIVE diamars anochi pa 9’or. Recientemente a cumpli un aña cu e parlamentario a distancia su mes di e partido berde AVP y a declara su mes independiente. Un aña despues ta toca temanan general y specifico cu e parlamentario. Un programa sigur interesante y al caso, cu periodista Tito Laclé. No perde!. Esaki riba tur Plataforma di Noticiacla, manera e Facebook page, website y e app.
AZV: Contracto cu dentista Mayra Rosales ta termina
ORANJESTAD - Organo Ehecutivo AZV a informa tur asegurado inscribi cerca dentista Mayra Rosales pa tuma nota cu e contracto entre OE AZV y dentista Mayra Rosales ta finalisa 30 di april 2024. Den caso cu tin un cita despues di 30 di april 2024, lo e asegurado mester tene cuenta cu e cita aki no ta wordo cubri mas door di OE AZV. Ta gradici dentista Rosales pa su añanan di servicio cu el a brinda na e aseguradonan di AZV. Tur clase di exito tambe ta e deseo di OE AZV pa dentista Mayra Rosales cu e continuacion di su practica priva.
Follow NoticiaCla
