St Maarten a prohibi benta di alcohol pa reduci violencia domestico

PHILIPSBURG – Cu e meta pa reduci e posibilidad pa abuso domestic den casnan durante e dos siman di lockdown, tabata e motibo pa temporalmente suspende e benta y compra di alcohol na St Maarten, osea ley seco. Prome minister di e isla, Silveria Jacobs a bisa diadomingo cu a ricibi un relato cu violencia domestic a aumenta den casnan. Hendenan ta bou di stress pa e situacion actual y el a wordo avisa cu alcohol ta aumenta e violencia den cas y gobierno kier a remedia esaki.   

El a bisa cu muchanan no ta na scol, y como tal no ta posibel pa nan raporta ora cu e incidentenan sosode. E muchanan y otro persona den e casnan mesterdi proteccion. Y mientras cu den algun caso abuso ta sosode pafo di cas, mayoria ta sosode entre e murayaann di nos cas, y e cultura di silencio no ta yuda e situacion.