Entrante diadomingo, ciudadanonan ta prohibi pa sali di cas (Shelter-in-place)

Entrante diadomingo, ciudadanonan ta prohibi pa sali di cas (Shelter-in-place)

Posted on 03/26/2020 7:45 pm AST | Updated on 03/26/2020 7:48 pm AST

ORANJESTAD – Entrante diadomingo marduga, gobierno ta impone un tipo di shutdown, aunke esaki ta bay mas leu, y ta yame ‘shelter in place’. Esaki ta nifica cu for di e momento ey, ciudadanonan ta prohibi pa sali for di nan cas. Asina prome minister Evelyn Wever Croes a anuncia durante e briefing riba coronavirus diahuebs anochi. E  medida tin excepcion cu ta inclui cosnan manera bishita supermercado, docter, botica, pompstation y lugarnan di take away pa cuminda y por haci ehercisio. Otro cu e puntonan menciona, ciudadanonan no ta permiti pa bandona nan cas. E medida aki premier Wever a sugeri y indica cu e lo ta pa 'por lo menos dos siman di tempo', aunke no tin un fecha fiho. E toque de queda cu ta na vigor te dia 31 di maart proximo, mas sigur tambe lo keda prolonga, aunke esey no a bin dilanti diahuebs anochi. 

LOCKDOWN vs SHUTDOWN

Segun Wever, tin un bruhamento y confunsion entre lockdown y shutdown. Segun Wever, un lockdown ta loke a haci caba, esta cera frontera. Shutdown ta un otro cos cu ta pone cu un persona por cana rond liber. Den e caso aki, Wever ta bisa cu gobierno ta bay mas leu. Den un ‘shelter in place’, ningun hende lo por sali di cas, si no ta pa e motibonan menciona. No a stipula ainda kico e multanan lo ta y con lo impone esaki.  

DETAYES 

Lo publica un lista di diabierna di tur e instancianan cu ta wordo regula pa e medida aki, y lo bin tur otro detayes di kico tur por haci y no por haci. 

 

  • Encuesta Noticiacla: Kico ta e tema(nan) mas importante pa Eleccion Parlamentario di Aruba e aña aki?

    Encuesta Noticiacla: Kico ta e tema(nan) mas importante pa Eleccion Parlamentario di Aruba e aña aki?

    ORANJESTAD – Manera ta conoci, e  aña aki tin eleccion parlamentario na Arubaatrobe. Noticiacla kier sa kico e tema mas principal ta pabo pa e eleccion aki. E temanan ta varia entre Criminalidad, Reforma (COHO), Medio ambiente (Dump) y mas. Den e caso aki, por scoge mas cu un tema. Manera semper, esaki no ta un encuesta scientifico y e resultado ta pa metanan puro noticioso entre usuarionan di Noticiacla. E ta anonimo tambe manera semper. Pa participa, please click AKI. 

  • Si no bin cambio, por lo menos 10 oficina di dokter di cas lo cera na Aruba

    Si no bin cambio, por lo menos 10 oficina di dokter di cas lo cera na Aruba

    ORANJESTAD – Si no bin cambio den e situacion di reduccion di gasto obligatorio den sector di cuido, por lo menos 10 docter di cas na Aruba (di e total di 48) lo tin cu cera nan porta proximamente. Asina presidente di e asociacion di dokter di cas na Aruba HAVA, drs Juaquin van Trigt a bisa den e programa Noticiacla LIVE diamars anochi. Esey kier men cu un total di 20 mil persona (pashent) lo keda sin dokter di cas y tin cu bay mas sigur cerca un otro, cu tur su consecuencianan. Van Trigt ta considera esaki serio pero no por a bisa exactamente cuanto tempo e practica di dokternan di cas aki por wanta ainda.

  • Fake news ta circula pa purba desacredita noticiacla su nomber

    Fake news ta circula pa purba desacredita noticiacla su nomber

    ORANJESTAD – Diamars atardi a circula un posting fake di un noticia cu supuestamente lo a sali di noticiacla e mesun dia. Ta trata di e noticia di minister Dangui Oduber, cu ta splica riba e tema di vacuna. Di un forma, a purba manipula e noticia for di cual a añadi un texto como si fuera a bisa algo negativo di e mandatario, siendo cu esaki no ta corecto. E texto original ningun momento ta ilustra e loke cu e fake news ta ilustra. De hecho, por mira claramente segun e timestamp (e orario cu a pone e noticia original), cu for di ora cu e noticia a wordo poni, no a cambie mas, y aworaki ainda e ta mescos, den su forma original. Y tampoco ta asina cu a hack e portal. Pues, personanan cu mal intencion aki a purba di desacredita e portal su reputacion y nomber, cual e portal ta lamenta. Ta posibel pa coi un 'screenshot' y manipula esaki manera a sosode aki. Ta recomenda pa den futuro, busca e articulo original pa wak riba e portal, pa mira enberdad kico ta scirbi. E caso a wordo hinca den man di abogado caba y ta atendiendo cu e asunto di un manera apropia.

  • Video: Hospital a escala debi na aumento grandi di pashent di Covid19

    Video: Hospital a escala debi na aumento grandi di pashent di Covid19

    ORANJESTAD - Hospital a escala debi na aumento grandi di pashent di Covid19. Den un video di e hospital, por mira visualmente kico e situacion actual na hospital ta aworaki. 

  • Dr Juaquin van Trigt ta invitado awe den Noticiacla LIVE riba Covid19 y HAVA

    Dr Juaquin van Trigt ta invitado awe den Noticiacla LIVE riba Covid19 y HAVA

    ORANJESTAD – Awe nochi drs Juaquin van Trigt, presidente di HAVA lo ta invitado den Noticiacla LIVE cerca e moderador Tito Laclé unda cu e lo toca e ultimo informacion riba e problema medico relaciona cu e cortamento di gasto riba exigencia di Hulanda, y tambe efectonan di Covid19 na Aruba. Y tambe riba e vacuna y kico tur esaki ta y con e la traha casi un aña bou di gara di e malesa aki. E programa ta pasa pa 9’or awe nochi, riba pagina di Facebook di Noticiacla, e website (e boton LIVE) y e app (e boton LIVE). No perde!

  • Musiconan porta por hala rosea pronto atrobe na Aruba

    Musiconan porta por hala rosea pronto atrobe na Aruba

    ORANJESTAD - Musica ta un parti esencial di nos bida. Asina mes, Covid19 ta parce di no kier compronde esey, y a pone cu casi un aña, esaki a silencia e musiconan. Awor tin algo na caminda. 

  • Powered by SETAR