- Presion di CAFt a pone gobierno kita 16 miyon pa RWZI di e prespuesto
- Presentadora di television Hulandes a tende di su Condecoracion Real mientras cu e ta na Aruba
- Condecoradonan a ricibi nan ‘cinta’ pa nan esfuerso y dedicacion boluntario na pais Aruba
- Conocido presentadora di programa Sinterklaas Journaal mester laga amputa su nanishi
- Cantidad di hende condecora na Corsou ta hopi menos cu Aruba e aña aki
Guardacosta ta bay controla piscamento a base di ley di proteccion
ORANJESTAD – Guardacosta ta bay controla piscamento a base di landsbesluit y natuurbeschermingsverordening. Asina nan ta informa pa medio di un comunicado. Segun e instancia aki, na aña 2017 gobierno di Aruba a publica e landsbesluit pa proteccion di flora y fauna. Den e ley aki tin diferente espesie proteha di mata y bestia cual ta ser menasa cu nan sobrevivencia. E ley aki ta proteha tambe diferente pisca y sortonan di pisca den e awanan teritorial di Aruba. Piscamento of captura di e piscanan aki ta prohibi y personanan lo haya un boet. Importacion of ex portacion di e piscanan protehi tambe ta prohibi y ta resulta den un boet. For di e fecha di publicacion di e landbesluit Guardacosta tawata flexibel y no a actua severo. E periodo di transicion aki tawata un periodo pa e piscadonan por a tuma bon nota di e ley.
Den aña 2020 Guardacosta ta bay controla severo a base di e ley y landsbesluit dunando boet na esunnan cu no mantene nan mes na regla. Riba e lista tin entre otro: diferente tipo di turtuga, diferente tipo di tribon, carco, kreeft etc. E natuurbeschermingsverordening y e lista den e landbesluit cu e fauna cu ta ser protehi por ser busca riba e website di gobierno di Aruba. Riba e facebook di Guardacosta por encontra e link pa bay e documentonan aki.
Presentadora di television Hulandes a tende di su Condecoracion Real mientras cu e ta na Aruba
ORANJESTAD – Conocido presentador di television Hulandes Yvon Jaspers a tende cu e ta un condecorado Real, ora cu e tabata na Aruba e siman aki. E la yega Aruba diahuebs, y a haya e yamada diabierna mainta. Pesey e no por a ricibi e premio personalmente. Tabata alcalde di Loenen aan de Vecht, di su premio, cu e la ricibi pa su trabou di television. E ta enfoca riba e bida di cunukeronan Hulandes entre otro.
Presentacion ‘Bulletproof Sleep’ riba Syndroom di Apneu, na Biblioteca Nacional Aruba
Un total di 18 ciudadano di Aruba ta haya Condecoracion Real
ORANJESTAD - Diabierna 26 di april 2024 pa 7’or di mainta (ora local) a publica e edicion special di Staatscourant incluyendo un lista di e personanan na kende a otorga un Condecoracion Real e aña aki. Tradicionalmente e momento festivo aki, tambe conoci como Ocasion General, ta relaciona cu e cumpleaño di Su Mahestad, Rey Willem-Alexander, cu ta e Granmaestro di e condecoracionnan. Por otorga un condecoracion na personanan cu a duna un contribucion special na e sociedad.
HOH: Ocupacion di cama poco poco ta bek na normalidad na hospital
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
Stampiaaruba cu exposion di stampia na Aruba pa celebra 17 aniversario
Oficina principal di DIMP ta cera awe diaranson pa mantencion
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.
Follow NoticiaCla
