Wever: Posibel investigacion riba gabinete Eman II pa compra di voto

ORANJESTAD - Gobierno ta investigando un posibel caso di mal uzo di fondo publico, y a hinc'e den man di Algemene Reken Kamer pa investigacion mas aleu. Asina Prome Minister Evelyn Wever a splica diaranson anochi, cu segun e cuentanan anual di 2017 recien ricibi, lo ta indica cu gobierno anterior (Gabinete Eman II) a gasta mas placa cu a keda presupuesta y ta papia di 92 miyon florin. Segun Wever, ta trata di placa cu a bay pa financia campaña di e partido berde pa eleccion 2017. Segun Wever, si e resultado di e investigacionnan indica cu tin 'iregularidad, cu nos ta pensa cu tin, ta sigui un investigacion penal'. Asina Wever a sigui declara. A bay mas leu pa bisa cu e supuesto abuso di fondo, lo ta pa compra di voto den eleccion y cu esnan culpabel lo mester para responsabel.