The Lab Digital Marketing ganador di Guardian Group Fatum Best in Business Award 2017

(ADVERTORIAL)

ORANJESTAD - Durante un cocktailparty diahuebs 29 di juni na Tierra del Sol, tur e 6 nominadonan y invitadonan a gosa di un anochi ameno na unda a anuncia e ganador di e promer Guardian Group Best in Business Award di Aruba.  E 6 nominadonan ta: Isla Aruba (Directora Karen di Bono); Tastes of Victory (Joey y Joalyne de Cuba); IKb International (Director Klaas Kinsbergen), Island Girl Clothing (Timothy Narain y Richienel Havertong); One Happy Photographer (Director Julien de Bats) y The Lab - Grow Marketing Solutions (Director Diederik Kemmerling). Hopi tension na momento cu Acting President & CEO di Guardian Group Sr. Diego Fränkel a anuncia e ganado:The Lab - Grow Marketing Solutions. Promer aña cu Guardian Group Fatum Aruba a organisa e bunita proyecto aki na Aruba y sigur esaki lo sigui mirando e cantidad di 63 empresa cu a registra, pa despues 50 avansa y na final 29 cu a pasa e ultimo tanda pa por yega na e 6 nominadonan. E intencion tabata 5 nominado pero e calidad tabata halto na unda tabata tin empate y Guardian Group a sigui cu 6 finalista. Tur e 6 empresanan a haci un presentacion na e cuerpo di Hurado consistiendo di Sra. Sonja Veldhuizen di Camara di Comercio di Aruba, Sra. Maria Dijkhoff-Pita di Bureau IDEA, Sr. Garrick de Cuba di EY y como Presidente di Hurado, Sr. Diego Fränkel. E proceso di registracion te cu Final a wordo guia door di d&i Business Support cu tin 10 anja di experiencia ta hasi esaki pa Guardian Group Corsow.  Recien a scoge na Corsow The Best of the Best in Business na unda e 9 ganadornan for di 2008 te cu 2016 a competi pa e reconocimento maximo di Guardian Group The Best of the Best in Business 2017. Pa comparti un storia motivante cu tur presente, pero principalmente pa e 6 nominadonan di Guadian Group Best in Business Aruba a invita Sra. Caroline Hollander-Rodrigues, CEO di FORENSYS y ganadora di e titulo di The Best of the Best in Business na Corsow. E director Diederik Kemmerling a keda sumamente emociona pasobra tur 6 nominado tabata fuerte den competencia. Kemmerling a yama su team dilanti pa tur hunto accepta e cheque na balor di AWG. 10.000, cu a ser entrega door di Sr. Fränkel pa tambe a hasi  entrega di trofeonan pa e nominadonan y e ganador y alabes gradici e huradonan pa trabou desplega.  Un danki special na nos MC di e anochi aki Sra. Cherryldine Buckley, Daniel Corsen di d&i Business Support, tur empresa cu a participa y last but not least e nominadonan cu den e ultimo simanan di competencia a mustra hopi pasion den loke nan ta haci y nos ta sigur di topa otro den futuro y quisas otro aña atrobe. Hopi suerte y forza pa cu boso empresa sigui crece y contribui cu e economia di Aruba. Pabien na tur 6 Nominadonan!