Compania di Aruba ta pidi bancarota InselAir International mayan

WILLEMSTAD – Despues cu siman pasa un compania na Aruba a hiba InselAir Aruba corte pa pidi su bancarota, e mesun compania mayan ta hiba InselAir International corte pa eynan e ora pidi bancarota di e compania madre. Na Aruba huez a duna InselAir proteccion di bancarota te cu 7 di juni, manera cu NoticiaCla.com a raporta den forma di primicia. No ta conoci kico huez na Corsou lo dicidi riba e caso e biaha aki. Ta e mesun abogado(nan) y compania di Aruba lo ta na Corsou mayan pa trata e caso aki. Tin indicacion cu huez na Corsou por bay den mesun direccion cu esun di Aruba, esta duna nan proteccion contra bancarota, of cu aki si e aeroliña ta paga e montante di e debe, of cu ta declara e compania bancarota.