Caso den corte awe pa pidi bancarota di InselAir Aruba

ORANJESTAD – Awe mainta un of mas compania/cliente lo pidi bancarota di InselAir Aruba den corte, mientras cu e aerolinea lo pidi pa ‘surséance van betaling’. Fuentenan cerca di e caso a confirma pa NoticiaCla.com cu e caso lo tuma lugar awe mainta 8:30am, pero mas informacion no por a duna. Por lo menos un cliente ta pidiendo e bancarota, pero no ta descarta cu tin mas. Esaki ta sigui despues cu diabierna ultimo Aruba Tourism Authority a pone beslag riba cuentanan bancario di e aerolinea pa incumplimento di pago. Un dia despues cu departamento di belasting a kita nan beslag cu nan a pone, tambe pa incumplimento di pago di belasting. Keda pendiente pa mas informacion.