Malasuerte ta sigui pa Arubus cu tire na candela awe

ORANJESTAD - E racha di malasuerte a sigui persigui Arubus dialuna ora cu den oranan di atardi, un tire di un di e busnan a pega candela banda di 6'or di atardi awe na altura di Cumana. Segun informacion cu NoticiaCla.com a haya, durante un trip di e bus, un di e tirenan a pega candela riba caminda. Bomberonan mester a presenta pa duna asistencia. Mas informacion no tin ainda. A busca contacto cu e director riba e suseso, pero no a logra ainda. Diasabra tambe tabatin un situacion unda cu un di e busnan a haya su mes den un accidente frontal, lagando e bus basta kibra. 

DIANAN TURBULENTO

Esaki ta bin despues di algun dia turbulento pa e compania, cu a cera cu un accion cu a perhudica basta mucha, pero mes momento a conduci tambe na un protocol cu ta pone e compania responsabel pa e situacion di e busnan. E sindicato STA cu ta representa e trahadonan, ta mustra cu ta danki na e accion teni siman pasa, cu a logra e protocol y cu e protocol aki ta protehando e chauffeurnan awor ora cu tin cualkier incidente. E director den weekend a reacciona cu e accion no tabata necesario, y tabata orchestra pa e sindicato su presidente pa e no perde cara.