Croes: Welga Arubus a perhudica miles di mucha di scol

ORANJESTAD - E welga di diabierna na Arubus a perhudica 1200 mucha di school mainta y 1200 di school atardi. Tambe trahador nan di menos recurso cu varios a perde nan dia di trabou. Asina e director di Arubus Teo Croes a bisa NoticiaCla.com den fin di siman. Segun Croes, full e welga aki a wordo planea for di dia nan caba. "Prome Diego a instiga pa welga pa via di schalering. Ora e a mira nan ta zwak para cu esey e a purba cu e situacion di bus" Croes a bisa. 

BUSNAN GEKEURD

Segun e director, ora cu Arubus a mustra cu e busnan ta gekeurd y cu busnan cu no ta apto ni safe no ta sali y hues a manda nan bay traha, e (Diego) a purba cu e rijvergunning nan ta caduca. "Y ariba esey a demostra cu tin un toezegging di DTP pa motibo cu tin un achterstand na SVB  cu keuring pa uza e rijvergunning caduca". E ora nan a exigi pa Arubus exonera e chauffeur di cualkier eventualidad y esey Arubus a haci pa stop e problemanan.

KEHA RIBA SINDICATO 

Tambe Croes a mustra cu tur esaki ta pa e mustra e empleado nan cu e ta haci algo pa nan paso 'masha hopi miembro mes ta kehando cu e ta tuma nan placa y no ta haci nada pa nan y esaki a sali for di su propio declaracion den un reunion y tambe bo ta tende for di diferente companianan'.

PERHUDICA MUCHANAN DI SCOL

Segun Croes, locual e accion aki a logra mal informando y mal uzando e empleado nan ta cu a perhudica 1200 mucha di school mainta y 1200 di school atardi. Tambe trahador nan di menos recurso cu varios a perde nan dia di trabou. Ademas Croes ta lamenta e accion pasobra no tabata tin ningun conflicto laboral y e issues nan aki tabata wordo discuti y hasta pa conhuntamente bin cu plan nan cu lo facilita e trabou pa tanto trahadornan como gerencia.