'Un incumplimento di PDVSA no ta afecta Citgo Aruba'

ORANJESTAD - Si tin cualkier incumplimento di e compania estatal Venezolano PDVSA pa cu nan debernan, esaki lo no afecta Citgo na Aruba. Asina fuentenan cu conoce e proceso a sigura NoticiaCla.com diaranson. "Efecto e no lo tin den un eventual default" e fuentenan a sigura e portal aki. Ta referi aki na e noticia cu a hipoteca tur refinerianan Citgo na Merca como garantia pa ricibi extra fondo. E noticia a keda confirma pa PDVSA e siman aki aunke cu mes momento a ataca esnan cu a publica e informe. Di otro banda, presidente di PDVSA, Eulogio Del Pino riba e canal estatal di e noticiero VTV a nenga cu a  hipoteca su filial Citgo Petroleum Corporation na e compania petrolera ruso Rosneft, y ta refuta medionan Venezolano pa tal. Ta mas bien a pone e companianan garantia pa incentivo di bonos. Asina e medio Venezolano 'El Estimulo' ta raporta. 

E diario Venezolano El Nacional, a raporta cu PDVSA a hipoteca Citgo cu e compania Ruso Rosneft. E asunto aki a hala atencion na Aruba mirando e implicacion cu esaki por tin pa p.e. Aruba su operacion di Citgo. Pero e fuentenan a sigura cu Aruba no mester tin preocupacion pa esaki. Lesa e rechaso di del Pino aki.