Venezuela a admiti cu a hipoteca Citgo na Merca

Posted on 12/27/2016 6:27 pm AST | Updated on 12/28/2016 12:21 am AST

CARACAS - E compania estatal Venezolano PDVSA a confirma e raportahe di Redd Intelligence y Latin American Herald Tribune, y cu NoticiaCla.com a reproduci diabierna ultimo, esta cu a descubri cu Venezuela a hipoteca Citgo pa e compania petrolero Ruso Rosneft. Mes momento sinembargo tabata hopi defensivo, lansando mes momento un atake riba e portadornan di e noticia, esta LAHT, REDD y Russ Dallen. Pa loke ta Aruba, minister di Economia Richard Arends, cu e tempo ey tabata e hefe di e team negociador pa e Citgo deal, a mustra cu e abogadonan di Citgo ' no tabata na altura di e deal aki'. Algo cu aworaki PDVSA mes ta admiti. 

ADMICION

E compania a admiti cu nan a hipoteca 49.9% di e tres refineria cu e ta doño di dhe pafo di Merca. Esaki segun PDVSA, tabata pa genera mas placa pa financiamento. Sinembargo PDVSA no a revela kico nan a ricibi a cambio di e accionan, ni pakico a tene esaki como un secreto. Pero segun e articulo di dialuna, ta parce cu Rosneft a fia PDVSA 1.5 biyon dollar a cambio di tin accion den CITGO. "Citgo ainda ta propiedad di PDVSA" e compania a sigui bisa den un declaracion, pero despues den e mesun texto, ta admiti cu na october ela uza 50.1% di Cirgo como un intercambio di bono. Si PDVSA faya di paga bek, Rosneft y accionistanan por converti nan mes den doño di Citgo. 

 "Ta importante pa stress cu cualkier compania mundial di clase manera Petroleos di Venezuela, ta uza su propiedad pa sostene su transaccionan y contene su inversionan" PDVSA a sigui bisa. Ademas a bisa cu e ultimo deal aki a wordo haci mey mey di atake di prensa, pero tambe durante un periodo adverso pa e industria mundial di petrolio. "PDVSA ta rechasa raportahe di media y comentario basa riba speculacion, rumor y informacion parcial cu ta desacredita e corporacion, haci pa voceronan  interesa den genera destabilisacion politico den nos pais" e declaracion a sigui bisa. E articulo ta sigui cu desacredita e autornan di e articulo anterior, punto pa punto. Por lesa e articulo completo aki. 

 

 

 

 

  • Corte a extende surseance van betaling pa Serlimar!

    Corte a extende surseance van betaling pa Serlimar!

    ORANJESTAD – Hues a duna Serlimar Sui Generis mas bida, recientemente, allargando e actual surseance van betaling definitivo te otro aña augustus, esta 2023. Asina hues a dicta dia 12 di mei ultimo den corte. Esaki kier men cu e compania ta ked na bida, y por lo pronto, por sigui traha riba su plan di recuperacion, sin problema di mester haya menasa di peticion pa bancarota pa creditornan. E sentencia aki no ta un sorpresa si mira cu recientemente durante un reunion, mayoria di creditornan a informa cu nan ta na fabor pa extende e surseance van betaling. 

  • WEB satisfecho cu prome pruebanan di planta RECIP IV

    WEB satisfecho cu prome pruebanan di planta RECIP IV

    ORANJESTAD – E compania di utilidad WEB ta satisfecho cu prome pruebanan di planta di RECIP IV. Asina nan a informa e siman aki. Nan a raporta cu e  e testnan cu a tuma lugar riba planta RECIP IV den siman di 9 pa 15 di mei na WEB, a bay segun plan y sin ningun interupcion! A haci diferente test riba diesel (LFO) pa cada set di motor conhunto cu e sistemanan auxiliar. E siguiente testnan ta planea pa tuma lugar entre 17 y 22 di mei. E testnan aki lo tuma lugar riba e sistema di Heavy Fuel Oil (HFO).

  • Mas di 5 mil turista a yega Aruba awe riba Allure of the Seas

    Mas di 5 mil turista a yega Aruba awe riba Allure of the Seas

    ORANJESTAD – Diaranson un biaha mas Aruba a ricibi Allure of the Seas, cu ta e barco crusero di mas grandi den historia cu a yega di nabega pa Aruba Ports Authirity (APA) N.V. 

  • Prome discusion publico riba economia circular a inicia awe

    Prome discusion publico riba economia circular a inicia awe

    ORANJESTAD – E prome   evento di varios discurso publico cu lo bai tuma luga riba e topico di economia circular a inicia awe. E discursonan lo sirbi e meta di comunica informacion y intercambia idea riba e implementacion di maneho, pa asina hiba e economia di Aruba den e rumbo sostenibel. Esaki segun e minister di Economia Geoffrey Wever. 

  • E di cinco E-Aruba business seminar ta cla pa tuma lugar

     E di cinco E-Aruba business seminar ta cla pa tuma lugar

    ORANJESTAD - E di 5 E-Aruba business seminar ta cla pa tuma lugar. Recientemente e organisadornan a presenta e fecha y detaye di e seminario aki. Esaki lo tuma luga dia 11 di juni 2022 den Renaissance Convention Center.  E E-Aruba Business Seminar ta un seminario di mitar dia unda varios  profesional di Merca y Europa ta bin Aruba pa asina papia riba diferente topico. Mayoria biaha riba topico cu tin di haber cu mercadeo (social) y transformacion digital.

  • Impacto economico di industria di Vacation Rental na Aruba balora na casi 1 biyon florin

    Impacto economico di industria di Vacation Rental na Aruba balora na casi 1 biyon florin

    ORANJESTAD - Diaranson ultimo a tuma luga un summit organisa pa VRPA unda cu a desvela resultado di un estudio encuanto e impacto economico y di empleo di e industria di Vacation Rental pa Aruba. E estudio aki a wordo conduci pa e compania TXP for di Austin Texas, cu ta specialisa pa conduci analisisnan economico y strategia pa cu ‘public policy’. E economista renombra internacionalmente, Jon Hockenyos a encabesa e estudio aki den luna di April 2022 y a desvela informacionnan interesante pa cu e industria di Vacation Rentals na Aruba. VRPA conhuntamente cu Aruba Tourism Authority y AHATA a financia e estudio pa asina obtene un miho bista riba e situacion actual di e industria. 

  • Powered by SETAR