No ta necesario pa cancela fecha di eleccion na Corsou

WILLEMSTAD - No ta necesario pa cancela eleccion na Corsou. Asina minister Suzy Römer a informa durante un conferencia di prensa na Corsou. Esaki relaciona cu e situacion di tempo cu lo ta yegando nos area. Mes momento prome minister Ben Whiteman a mustra cu e no ta spera cu e ta yega asina leu pa tuma e desicion ey. "E ta un desicion dificil politico" Whiteman a bisa. Un desicion asina ta wordo tuma den un reunion di emergencia, segun e prome mandatario. Un desicion asina no ta cla pa wordo tuma ainda. 

SITUACION HOPI PRELIMINAR

E situacion ainda ta hopi preliminar, unda cu ta te diamars atardi ta haya sa mas informacion di kico por spera pa Corsou pa e proximo dianan. Pa diahuebs mainta lo reuni tuma e desicionan necesario y participa esaki na e comunidad. Tur protagonista a presenta nan informacion y a mustra cu nan ta cla pa cualkier eventualidad, aunke ainda ta mucho tempran pa bisa exactamente kico ta bay pasa, con fuerte y ki ora. Pa awor, ta mustra cu Corsou posiblemente por wordo afecta pa diabierna mainta pa diahuebs anochi. Tin shelternan cu lo keda cla pa diaranson mainta segun minister Römer. Foto cortesia Telecuracao.