Diaranson desicion por cay si tin operador nobo pa ex Aura Casino

ORANJESTAD - Diaranson awor por ta D-Day pa ex trahadonan di loke tabata Aura Casino. Segun mediado di gobierno Anselmo Pontilius, gerencia di hotel Alegro a confirma cu e di dos grupo (e prome cu mester a bira operador, a cay afo) ta reuniendo pa varios siman cu nan. Diamars merdia Pontilius lo sinta cu tur e partidonan, manera gerencia di hotel y e posibel operador. Diaranson lo tin un reunion cu lo sigui riba e topico ey y pa e ora ey mester tin un noticia sea positivo of negativo. "E noticia por resulta positivo mayan si nos haya un acuerdo final. Tin un acuerdo en principio entre e hotel y  e grupo, y pa nos tin un acuerdo completo si sera algo formal den cual e trahadonan nan cupo di trabou wordo cumpli cu ne. Cu esaki mester yega na un fin di e problema cu e trahadonan a pasa desde cu a cera e casino fin di aña pasa.