Abogado na television ta declara cu Henriquez a keda seriamente maltrata

DEN HAAG - E Arubiano Mitch Henriquez, cu na juni ultimo, a fayece despues di su detencion, a sostene entre otro un asina yama ‘kiebra di su laringe’, osea kiebra di su strot. Esey ta e organo den e nek di un persona, cu ta envolvi cu halamento di rosea, e proteccion di e ‘luchtpijp’ y e hacimento di zonido. E ta na e parti cu ta separa e caminda di ‘aire’ y caminda pa cuminda. Asina abogado Gerald Roethof a bisa den e programa Pauw na television na Hulanda diahuebs anochi. “E la wordo seriamente maltrata. Si bo les'e (e declaracion), bo ta spanta”, e abogado cu ta representa famia di Henriquez, a sigui bisa. Ayera caba den un otro reportahe (lesa e raporta aki), NoticiaCla.com a relata na e rapport. 

HEMORRAGIA

Roethof tabatin bista den e rapport di investigacion di Rijksrecherche. Eynan a resulta cu segun e hurista, cu Henriquez tabatin varios hemorragia. “Hemorragia na su cabes, nanishi, y te hasta na su organo reproductivo. Tur caminda” e abogado a sigui bisa. Henriquez a muri mas sigur di falta di oxigeno, causa pa e forma brutal con e polisnan a detene. Esey a sosode na e festival di musica na Zuiderpark den Den Haag. NOTA: Foto di archivo ta e marcha ora cu e curpa di Mitch a yega Aruba na juli ultimo.