Diabierna awor seminario importante di grupo Arugas

Posted on 11/2/2015, 6:14 PM AST | Updated on 11/3/2015, 6:15 AM AST

ORANJESTAD - Dia 6 di november venidero, en conexion su 75 aña di existencia, e grupo Arugas lo tene un seminario pa demonstra con hopi e compania aki a avanza den añanan pa beneficio di Aruba y su economia.

Arugas a cuminsa su operacionnan como distribuidor di gas LPG (propano) pa cas na Aruba, pero awor nan ta completamente capaz di:

Importa gas via nan propio terminal moderno na Barcadera y ta maneha esaki cu nan mesun empleadonan. Abastece tur hotel grandi y chiquito cu LPG di calidad halto na tur momento y asina garantisa suministro continuo na e industria mas importante di Aruba. Opera su flota di vehiculonan nobo y moderno y cual vehiculonan tur a ser converti den su propio garashi, pa core riba gas LPG. Atende y procesa pedidonan di mas di 30,000 cliente domestico pa entrega di cylidernan di gas Diseña y construi proyectonan comercial y termina esakinan na tempo,segun presupuesto establesi y conforme normanan NFPA y DTI. Diseña y construi instalacionan di gas central, bou di tera, pa proyectonan di vivienda. Converti vehiculonan priva y flota comercial pa core riba “dual fuel” (gasolin y LPG).

E SEMINARIO LO TA HOPI INTERESANTE Y LO CUBRI TOPICONAN MANERA:

Desaroyo mundial di petroleo y gas y con Merca, a descubri y produci enorme cantidad di petróleo y gas den e ultimo añanan aki. E efecto di esaki pa paisnan y refinerianan pafor di Merca y especialmente esnan den Caribe. Con LPG ta un combustible cual ta wordo usa mas y mas pa plantanan di utilidad y otro industrianan. Con por converti vehiculonan tanto comercial y particular pa core riba LPG pa asina obtene beneficionan ecomico y pa yuda e medio ambiente.

E lista di oradornan lo inclui expertonan internacional riba tereno di petroleo, gas, refineria y tambe expertonan riba planta di utilidad y otro topiconan. Grupo Arugas lo demonstra cu lpg (propane gas) ta un bon alternativa pa reduci consumo di hfo, cual ta e direccion cu Aruba kier, y ta bayendo. E fecha diabierna awor 6 di november 2015, e lugar ta Hyatt Regency Hotel. Horario ta di 8:00 AM - 5:00 PM. Pa mas informacion por yama telefoon: 583 4100.