Yiu di fundador di Mango sospecha den morto di su tata

BARCELONA – Yiu di fundador di cadena di paña Mango, Isak Andic, a wordo deteni pa interrogacion den investigacion tocante morto di su tata. E empresario a fayece na 2024 despues cu e la cai for di un baranca di 100 meter durante un paseo cerca di Barcelona, Spaña.

Jonathan Andic, yiu mayor di Isak, tabata canando cu su tata ora e accidente a socede. Inicialmente, autoridadnan a considera e caso como un accidente, pero despues policia a habri un investigacion pa posible asesinato debi na contradiccionnan den declaracionnan di Jonathan.

Segun polis, algun declaracion no tabata cuadra cu resultado di e investigacion. Autoridadnan tambe a revisa e telefon di Jonathan y comunicacionnan entre tata y yiu prome di e morto, pa determina si tabatin problema den nan relacion.

Familia di Andic ta insisti cu Jonathan ta inocente y cu nan ta cooperando completamente cu e investigacion.

Isak Andic a funda Mango na 1984 y a converti e marca den un di e cadenanan di paña mas grandi di Spaña. Despues di su morto, Jonathan y su dos ruman muher a tuma control di e compania.