Rob Jetten ta cuminsa bishita oficial na Aruba cu agenda carga di reunion y bishitanan clave

ORANJESTAD – Prome minister hulandes Rob Jetten ta cuminsa su bishita oficial na Aruba diamars atardi, cu un agenda carga di actividadnan politico, economico, deportivo y turistico durante 12 y 13 di mei. Bishita aki ta marca su prome bishita oficial amplio na Aruba como lider di gobierno hulandes. E mandatario a sufri un recaida chikito na Boneiru mas prome, cu a retrasa su schedule, incluyendo e yegada pa Aruba, cu un ora y mei. 

E PROGRAMA OFICIAL

Programa oficial lo cuminsa diamars anochi cu declaracionnan conjunto entre Jetten y prome minister Mike Eman na Bestuurskantoor riba L.G. Smith Boulevard. Despues di esey, Jetten lo atende premiere di documental “WOW” tocante naturaleza di Aruba na Renaissance Convention Center.

DIARANSON

Diaranson mainta, agenda lo sigui cu un bishita na Parke Nacional Arikok hunto cu Mike Eman. Despues, Jetten lo participa den entrega di premio na ganadornan di competencia nacional di deporte escolar na Centro Deportivo Libertador Betico Croes na Santa Cruz. Mas laat mainta, e prome minister hulandes lo bishita compania Vaper Trading Aruba na Balashi, unda lo marca e prome prestamo garantiza den marco di e regulacion BMKB. E actividad ta cay bou di responsabilidad di minister Geoffrey Wever.

ATARDI

Atardi, Jetten lo haci un bishita oficial na Aeropuerto Internacional Reina Beatrix hunto cu Mike Eman y ministernan Arthur Dowers y Wendrick Cicilia. Bishita lo conclui cu un conferencia di prensa den area VIP di aeropuerto, unda Jetten lo haci un evaluacion di su estadia na Aruba y contesta preguntanan di prensa. Bishita di Jetten ta ocurriendo den un momento politico importante den relacionnan entre Aruba y Hulanda, especialmente den medio di debate continuo riba HOFA, autonomia financiero y cooperacion dentro di Reino Hulandes.