- Aruba tin un miyonario nobo cu a gana 1.425.000,= florin
- AMMF: Dolfijn Charlie ta sigui recuperando na Aruba
- ARUBA DOET 2026 ta move Aruba: 135 proyecto ta cambia bario y comunidadnan
- Rainbow Warriors ta propone codigo di conducta pa sector di UTV, ATV, e-bike y e-scooter
- 813 coredor lo conkista Aruba awe nochi durante e historico 34 edicion di Ronde van Aruba
Atrobe mortonan a cay durante accion di Merca den Caribe
MIAMI – Ehercito di Merca a mata dos persona abordo di un boto cu tabata nabega den region Caribe. Comando Central SOUTHCOM a declara cu e embarcacion tabata wordo usa pa un organizacion terrorista y a describi e personanan morto como “narco-terroristanan”. Segun SOUTHCOM, e boto tabata riba un ruta conoci pa trafico di droga y e tripulantenan tabata involvi den comercio ilegal di droga. Autoridadnan ainda no a revela nacionalidad di e victimanan ni e locacion exacto unda e incidente a tuma luga.
SERIE DI ATAKENAN
Desde september di aña pasa, Merca a ehecuta decenan di accion contra supuestonan boto di droga den Oceano Pacifico y Caribe. Durante e operacionnan ey, alrededor di 200 persona a perde nan bida. Tin hopi critica riba e accionnan aki. Gobierno Americano no ta presenta prueba concreto cu e botonan ataca realmente tabata wordo usa pa trafico di droga.
Xi ta ricibi Trump na China, pero ta manda advertencia fuerte tocante Taiwan
PEKING – Presidente di China, Xi Jinping, a ricibi presidente americano Donald Trump cu hopi cordialidad durante su bishita oficial na Peking, pero a manda un mensaje cla tocante Taiwan.
Prome minister britanico Starmer no kier bay apesar di presion grandi pa renuncia
LONDRES – Prome minister britanico Keir Starmer no kier renuncia, apesar di e presion grandi den su propio partido y hasta dentro di su gabinete pa e laga su puesto. Despues di un reunion di gabinete, Starmer a bisa cu e pais ta spera cu gobierno sigui gobernando, y cu e ta pensa sigui haci esey.
Mama di Natalee Holloway ta sostene ex-fiscal di caso Vd Sloot Aruba den campaña politico
ALABAMA - Beth Holloway, mama di Natalee Holloway, a expresa apoyo publico pa Lloyd Peeples, e ex-fiscal federal cu a procesa Joran van der Sloot den e caso di extorsion conecta cu morto di su yiya.
Pasahero Mericano y Frances di Hondius a test positivo pa hantavirus
OMAHA - Pasaheronan Mericano y Frances abordo di crucero Hondius a test positivo pa hantavirus. E pasahero Mericano no tabata mustra sintomanan di e virus, segun autoridadnan di salud di Merca.
Homber a cancela biahe pa Aruba di ex socio y ta arresta pa robo di identidad
LONG ISLAND - Un homber di Long Island na Merma a wordo arresta despues cu, segun polis, e la cancela e vakantie di su ex-socio comercial pa Aruba usando su identidad durante un yamada telefonico cu un agencia di biahe.
WHO: Hantavirus no ta Covid y riesgo di pandemia mundial ta abou
WASHINGTON - World Health Organization (OMS) a declara cu hantavirus no ta mescos cu coronavirus y cu, pa awor, no tin señal cu e virus lo propaga riba escala mundial. Durante un conferencia di prensa, director general Tedros Adhanom Ghebreyesus y varios experto a explica cu e forma di contagio di hantavirus ta hopi diferente y cu transmision entre hende ta muy limita.
Follow NoticiaCla
