- Ministerio di Salud a completa traspaso oficial di Hospital Horacio Oduber 'renoba'
- Le Lanchon riba prome aña di Iberostar: “Aruba a ricibi nos cu braza habri y futuro ta prometedor”
- Minister Wyatt-Ras di Salud y Asuntonan Social ta den Noticiacla LIVE awe
- Van der Burg: Un ministerio dedica pa Reino y Union Europeo ta yuda Aruba avansa
- Vd Burg: Geschillenregeling lo evita cu HOFA ta keda un ley eterno
IATA: Ticket di pasashi avion lo keda caro, aunke estrecho di Hormuz habri
SINGAPORE - Aunke estrecho di Hormuz bolbe habri despues cu a logra un paro di fuego di dos siman entre Merca, Israel y Iran, sector di aviacion lo sigui enfrenta problema cu suministro di combustibel pa avion pa varios luna. Esaki a wordo confirma door di Willie Walsh, hefe di organisacion internacional di aviacion IATA, durante un reunion na Singapore.
Segun e, kerosine lo keda mas caro cu prome di e conflicto cu Iran, loke ta nifica cu prijs di ticket lo subi. “Esaki no por evita,” el a bisa.
Prijs di petroleo a baha diabierna bou di 100 dollar pa bari despues cu presidente di Merca, Donald Trump, a anuncia un paro di fuego temporal di dos siman cu Iran. Un condicion importante pa esey ta e habrimento inmediato di estrecho di Hormuz, unda normalmente como un quinta parti di comercio mundial di petroleo ta pasa.
Walsh a yama e paro di fuego “positivo”, pero a alerta cu e conflicto a perturba capacidad di refinacion na Medio Oriente, loke ta sigui impacta disponibilidad y prijs di combustibel pa avion.
Funcionario di gobierno argentino envolvi den escandalo pa biahenan haci pa Aruba
BUENOS AIRES - Autoridadnan huridico na Argentina a confirma cu funcionario Manuel Adorni a viaha na Aruba hunto cu su casa y dos yiu, unda segun informacion oficial, tur pasashi a wordo paga cash pa un balor di 1.450 dolar cada un. E informacion aki ta forma parti di un investigacion mas amplio conduci pa fiscal Gerardo Pollicita.
Rey Willem-Alexander ta enfatisa balor di partner den encuentro cu Trump na Cas Blanco
WASHINGTON – Willem-Alexander y Máxima, hunto cu prome minister hulandes Rob Jetten, a cena na White House cu presidente americano Donald Trump dialuna anochi. E cena di tres plato a dura mas largo cu lo tabata spera y e pareha real tambe a keda drumi aya.
Phil Collins, Queen Latifah y Billy Idol entre esnan cu lo drenta Salon di fama di Rock & Roll
NEW YORK - Phil Collins, Iron Maiden, Billy Idol, Queen Latifah, Oasis, Sade y Joy Division / New Order lo wordo inclui den Rock & Roll Hall of Fame, hunto cu nominadonan pa prome biaha Wu-Tang Clan y e falleci Luther Vandross.
Hulanda ta elimina stempel di paspoort, Corsou y Aruba ta keda cu propio sistema digital di frontera
DEN HAAG – Paspoortstempel (stempel cu ta pone den pasaporte) lo disparce na postnan di frontera di Hulanda den Europa, pero den Caribe den Reino un sistema similar ainda no ta aplicabel. Mientras Europa ta cambiando pa un solo sistema digital, islanan manera Corsou y Aruba ya a traha cu propio solucionnan, sin conexion cu sistema europeo nobo. Den Europa, e stempel tradicional ta wordo reemplasa pa Entry/Exit System (EES), un databank unda movemento di viajero no-EU ta wordo registra digitalmente, incluyendo dato biometrico manera hueya di dede y scan di cara. E sistema aki ta aplica solamente pa area Schengen, no pa Caribe den Reino. Na Corsou, digitalisacion di frontera a cuminsa tempo pasa. Biaheronan mester yena un carta di inmigracion digital (DI Card) prome, cu a reemplasa e formulario di papel. Datos ta wordo procesa di antemano pa agilisa entrada.
Pareha real a yega Merca, awe ta prome dia di bishita di trabou
WASHINGTON - Willem-Alexander y Maxima a yega na estado di Pennsylvania den Estados Unidos. Nan a yega ayera atardi (tempo local) na Philadelphia, y awe nan ta cuminsa cu un bishita di trabou unda nan lo bishita tambe Washington y Miami.
Tension ta subi: Marina di Merca ta menaza blokeo naval contra Iran
WASHINGTON - Tension entre Iran y Merca a subi rapido despues cu marina americano a menaza cu un blokeo riba laman. Autoridad militar a indica cu for di dialuna 4’or tur barco cu ta bay of bin for di puerto Irani lo wordo detene. E menaza aki ya ta causa subida den prijs di petroleo y temor cu conflicto por laira atrobe.
Follow NoticiaCla
