- Ministerio di Salud a completa traspaso oficial di Hospital Horacio Oduber 'renoba'
- Le Lanchon riba prome aña di Iberostar: “Aruba a ricibi nos cu braza habri y futuro ta prometedor”
- Minister Wyatt-Ras di Salud y Asuntonan Social ta den Noticiacla LIVE awe
- Van der Burg: Un ministerio dedica pa Reino y Union Europeo ta yuda Aruba avansa
- Vd Burg: Geschillenregeling lo evita cu HOFA ta keda un ley eterno
Derrame di petroleo di proyecto di Exxon na Guyana por afecta 12 isla den Caribe
GEORGETOWN – Un posible desastre di petroleo na e proyecto nobo Longtail di ExxonMobil banda di costa di Guyana por despacha y alcanza por lo menos diesdos isla den Caribe. Esaki ta sali na cla for di un informe di impacto ambiental di e compania mes. Segun e estudio, Trinidad and Tobago ta specialmente vulnerabel. Durante temporada di yobida, tin un chance di 60 te 70 porciento cu petroleo of condensado por yega na costa den caso di un incidente serio. Esaki por causa daño na manglar, habitat di manati, playa y reservanan natural riba un gran parti di costa. Tambe Tobago ta corre riesgo considerable. Ey, rif di coral, praderanan di yerba di laman y playanan di cria pa tortuga marino por wordo afecta. Den e peor scenario, contaminacion por yega costa den menos di cinco dia.
E impacto no ta limita solamente na Trinidad y Tobago. Segun e informe, otro islanan den region tambe por wordo afecta, manera Grenada, Saint Vincent and the Grenadines, Barbados, Saint Lucia, Dominica, Guadeloupe, Montserrat, Antigua and Barbuda, Saint Kitts and Nevis, Saint Barthélemy, Saba y United States Virgin Islands. Esaki ta mustra cu un incidente asina tin un caracter claramente internacional.
PROYECTO GRANDI DI PETROLEO Y GAS
E proyecto Longtail ta e ochavo proyecto grandi di petroleo y gas den e asina yamá bloque Stabroek. Ta spera cu e lo drenta na operacion na 2028 y por produci pa te trinta aña, cu un capacidad di mas o menos 250.000 bari pa dia. Mesun momento, den Guyana tin un lucha huridico riba ken ta responsabel pa paga costo di un desastre grandi. ExxonMobil actualmente tin un seguro di 600 miyon dolar pa incidente y un garantia adicional di 2 biyon dolar. Criticonan ta bisa cu esaki no ta suficiente y ta pidi pa compania matriz duna garantia sin limite. Nan ta teme cu paisnan den region por keda cu daño cu no ta completamente cubri. E compania ta bisa cu un programa di reaccion rapido por limita impacto, pero e informe ta laga cla cu den un incidente serio, varios pais den Caribe por wordo afecta den algun dia.
Funcionario di gobierno argentino envolvi den escandalo pa biahenan haci pa Aruba
BUENOS AIRES - Autoridadnan huridico na Argentina a confirma cu funcionario Manuel Adorni a viaha na Aruba hunto cu su casa y dos yiu, unda segun informacion oficial, tur pasashi a wordo paga cash pa un balor di 1.450 dolar cada un. E informacion aki ta forma parti di un investigacion mas amplio conduci pa fiscal Gerardo Pollicita.
Rey Willem-Alexander ta enfatisa balor di partner den encuentro cu Trump na Cas Blanco
WASHINGTON – Willem-Alexander y Máxima, hunto cu prome minister hulandes Rob Jetten, a cena na White House cu presidente americano Donald Trump dialuna anochi. E cena di tres plato a dura mas largo cu lo tabata spera y e pareha real tambe a keda drumi aya.
Phil Collins, Queen Latifah y Billy Idol entre esnan cu lo drenta Salon di fama di Rock & Roll
NEW YORK - Phil Collins, Iron Maiden, Billy Idol, Queen Latifah, Oasis, Sade y Joy Division / New Order lo wordo inclui den Rock & Roll Hall of Fame, hunto cu nominadonan pa prome biaha Wu-Tang Clan y e falleci Luther Vandross.
Hulanda ta elimina stempel di paspoort, Corsou y Aruba ta keda cu propio sistema digital di frontera
DEN HAAG – Paspoortstempel (stempel cu ta pone den pasaporte) lo disparce na postnan di frontera di Hulanda den Europa, pero den Caribe den Reino un sistema similar ainda no ta aplicabel. Mientras Europa ta cambiando pa un solo sistema digital, islanan manera Corsou y Aruba ya a traha cu propio solucionnan, sin conexion cu sistema europeo nobo. Den Europa, e stempel tradicional ta wordo reemplasa pa Entry/Exit System (EES), un databank unda movemento di viajero no-EU ta wordo registra digitalmente, incluyendo dato biometrico manera hueya di dede y scan di cara. E sistema aki ta aplica solamente pa area Schengen, no pa Caribe den Reino. Na Corsou, digitalisacion di frontera a cuminsa tempo pasa. Biaheronan mester yena un carta di inmigracion digital (DI Card) prome, cu a reemplasa e formulario di papel. Datos ta wordo procesa di antemano pa agilisa entrada.
Pareha real a yega Merca, awe ta prome dia di bishita di trabou
WASHINGTON - Willem-Alexander y Maxima a yega na estado di Pennsylvania den Estados Unidos. Nan a yega ayera atardi (tempo local) na Philadelphia, y awe nan ta cuminsa cu un bishita di trabou unda nan lo bishita tambe Washington y Miami.
Tension ta subi: Marina di Merca ta menaza blokeo naval contra Iran
WASHINGTON - Tension entre Iran y Merca a subi rapido despues cu marina americano a menaza cu un blokeo riba laman. Autoridad militar a indica cu for di dialuna 4’or tur barco cu ta bay of bin for di puerto Irani lo wordo detene. E menaza aki ya ta causa subida den prijs di petroleo y temor cu conflicto por laira atrobe.
Follow NoticiaCla
