Antonelli emocional despues di su prome victoria di careda di Dormula 1: ‘Italia bek na top!’

SHANGHAI - Kimi Antonelli tabata hopi emociona despues di gana su prome careda di Formula 1. E piloto di Mercedes, cu tin 19 aña, awor ta e di dos piloto mas hoben den historia cu a gana un carrera di F1, despues di Max Verstappen. E tambe ta e prome piloto italiano desde Giancarlo Fisichella na 2006 cu ta gana un Grand Prix.

“Mi ta sin palabra, casi mi ta yora. Masha danki na e team, pasobra nan a yuda mi pa haci e soño aki bira realidad,” Antonelli a bisa inmediatamente despues di e carrera. Poco despues, lagriman a cuminza core cerca e hoven talento.

Aña pasa Antonelli a haci su debut na Formula 1 como reemplazo di Lewis Hamilton, kende despues di seis titulo mundial cu Mercedes a muda pa Ferrari.

“Mi ta hopi contento pa bo,” Hamilton, cu a termina di tres den e carrera na China, a bisa e ganador. “Ta algo special pa comparti e momento aki. E a tuma mi stoel den e team fantastico aki.”