Tur cos ta mustra cu e aña aki si Andruw Jones ta drenta Salon di Fama di MLB

COOPERSTOWN – Tur cos ta mustra cu e aña aki porfin, e yiu di Corsou Andruw Jones ta drenta National Baseball Hall of Fame pa medio di e Baseball Writers’ Association of America. Esaki ta e salon di fama mas prestigioso deportivo. Jones tabata eligible ya 7 aña, pero no a logra pa falta di sosten/voto. Pa un hungador keda eligi, e mester surpasa 75% di voto. Na e momento aki, tin tres hungador cu ta cumpli cu cu esaki. Carlos Beltran (100%), Andruw Jones (95%) y Chase Utley (90%). 

Dia 20 di januari proximo, ta bira conoci si nan ta logra y si asina Jones ta logra algo historico no solamente p’e sino pa nos tur den Caribe Hulandes. Andruw Jones tabatin su miho añanan cu Atlanta Braves,   y despues a hunga pa otro ekiponan, incluyendo New York Yankees. E anunsio oficial lo wordo hasi den vivo riba MLB Network.