Fanaticonan di pais contrincante di Corsou pa mundial di futbol cu prohibicion pa drenta Merca

WASHINGTON - Un proclamacion firmá pa presidente Trump a amplia e restriccionnan di biaha di su administracion riba diabierna pa inclui e participantnan di Copa Mundial 2026, Costa de Marfil y Senegal. E dos nacion africano a wordo agrega na lista di prohibicion di biaha cu loke e declaracion di Casa Blanco a yama “restriccionnan parcial y limitacionnan di entrada”, actualmente e categoria menos severo entre tur e paisnan cubri. Despues di e anuncio di diabierna, e lista completo awor tin 39 pais. E prohibicion amplio ya ta inclui dos pais cu lo participa den Copa Mundial: Haiti y Iran, cu ta suheto na e restriccionnan mas duro.

Den caso di Senegal y Costa de Marfil, e motibonan presenta pa Casa Blanco pa impone e prohibicionnan ta e porcentaje di persona cu no ta sali for di pais na tempo despues di visa. Pa visa di bishita tipo B1 of B2, cu ta e tipo cu fanatico mester pa drenta e pais pa Copa Mundial, e porcentaje di overstay cu Departamento di Seguridad Nacional a menciona ta mas o menos 4% pa Senegal y 8% pa Cote dIvoire.

KICO ESAKI KIER MEN

Esaki kier men cu tin posibilidad cu por tin mas lugar pa mas hende por ta presente di Corsou pa wak e wega na Merca, debi na e limitacion presenta pa Merca. Con exactamente esaki ta afecta e benta di carchi, y e prijs, no ta conoci ainda.