Hadjar ta reemplaza Tsunoda como compañero di Verstappen den Red Bull Racing na 2026

BRUSELLAS - E conductor di auto di 21 aña Isack Hadjar lo bira den 2026 e compañero di Max Verstappen y lo reemplaza Yuki Tsunoda proximo temporada. Cu Verstappen lo ricibi un compañero nobo, tabata hopi cla ya. Tsunoda a wordo pasa riba for di Racing Bulls, e team ruman di Red Bull, den maart despues di dos carrera den e temporada actual. Pero como reemplazo di Liam Lawson cu no a logra, e japones tampoco no a logra haci hopi cos. E diferencia di punto entre Verstappen y Tsunoda ta realmente grandi: 396 contra 33. Un regreso di e japones na e team ruman awe no ta un opcion. Hadjar a haci un bon impresion den su temporada di debut na Racing Bulls. Aña pasa e la caba di dos den campeonato di Formula 2. Ey Hadjar tabata conoci como rapido pero tambe como un corredor hopi feroz y salbaje.

PODIO NA ZANDVOORT

Den su prome carrera na Australia, Hadjar a spin durante durante e ronda di formacion. Despues e a caba dies biahe den top diez y a logra pa sorpresa di tur hende cu un lugar riba e podium na Zandvoort durante e Grand Prix di Hulanda. Cu un carrera mas pa bay, Hadjar ta keda di dies den e clasificacion di WK. E lo bira e septimo compañero di Verstappen den Red Bull Racing, despues di Daniel Ricciardo, Pierre Gasly, Alexander Albon, Sergio Perez, Liam Lawson y Yuki Tsunoda.