Drama na Grand Prix di Las Vegas: Coredornan di McLaren descualifica y Verstappen ta gana punto!

LAS VEGAS – Desaroyo grandi na Las Vegas diadomingo marduga na Las Vegas pa e careda di Formula Uno. . Despues di e Grand Prix den ciudad di suerte, ambos auto di McLaren no a pasa e inspeccion tecnico. Door di esaki, tanto lider di mundial Lando Norris mescos cu su compañero Oscar Piastri a wordo descalifica.

Autosport federacion FIA a informa despues di carrera, cu durante e inspeccion rutinario a compronde cu e planchi abou di ambos auto tabatin desgaste sobrelimite. Segun FIA: “E midi tabata menos cu nuebe millimeter den ambos auto.”

E situacion a wordo manda na stewardnan, pero segun e regulacionan, falta tecnico ta resulta semper den descualificacion. Mesun cos a pasa cu Lewis Hamilton mas tempran e aña aki na China.

Norris a termina number dos na Las Vegas, tras di ganador Max Verstappen. E 18 punto pa esei, e ta perde nan awor. Diferencia di Verstappen den clasificacion mundial awor ta baha te na 24 punto. Verstappen awor ta pareu cu Oscar Piastri den segundo posision, despues cu Piastri tabata originalmente termina na lugar cuatro y perde 12 punto. Na Aruba tin hopi fanatico di Formula Uno, particularment pa Max Verstappen, y e coredornan di McLaren y Ferrari.