- Eman: “Aruba ta cla pa brinda yudansa humanitario na Venezuela”
- Venezuela a declara estado di emergencia despues di dos temblornan fuerte
- Alerta di temblor fuerte na Venezuela ta causa preocupacion entre residente y usuario di Android
- Dos fanatico mericano di Mundial ta ricibi invitacion VIP inespera di Prome Minister di Corsou
- Wever: Fondo di inversion AIOF awor ta realidad pa financia proyectonan importante
- Eman: “Aruba ta cla pa brinda yudansa humanitario na Venezuela”
- Venezuela a declara estado di emergencia despues di dos temblornan fuerte
- Alerta di temblor fuerte na Venezuela ta causa preocupacion entre residente y usuario di Android
- Dos fanatico mericano di Mundial ta ricibi invitacion VIP inespera di Prome Minister di Corsou
- Wever: Fondo di inversion AIOF awor ta realidad pa financia proyectonan importante
Un dia despues di bandona Aruba, barco crucero ta raporta norovirus na CDC
MIAMI / ORANJESTAD – Un biaha mas un barco crucero cu a pasa Aruba, tabatin brote di norovirus. Den e caso aki, e barco cu a cuminsa su trip dia 21 di februari ultimo, a bishita Aruba dia 6 di maart ultimo, y dia 7 di maart, un dia despues, e Centro pa Control di Malesa (CDC) a informa cu e forma sumamente infectuoso di gastroenteritis ta haci pasaheronan malo riba e biahe di Coral Princess riba diabierna 7 di maart 2025. Di e 1.906 pasaheronan abordo, 69 a wordo raporta malo hunto cu 13 di e 895 miembronan di tripulacion di e barco. Mester bisa cu e barco a bolbe Aruba diaranson ultimo, esta ayera, 12 di maart 2025 atrobe, pero no tabatin mencion e ora di e virus mas.
E VIRUS
Di acuerdo cu CDC, norovirus, tambe conoci como e “griep di stoma” of e “insecto di stoma,” ta un malesa facilmente transmiti cu hopi biaha ta conduci na sacamento y diarea. E virus por wordo pasa door di cuminda, awa y superficienan contamina pa hende infecta, haciendo e barionan comparti cerca di un barco crusero altamente suseptibel na exposicion aumenta. E biahe di 16 dia a sali for di Los Angeles dia 21 di februari, cu paradanan plania na Mexico, Costa Rica, Panama y Aruba, prome cu yega Fort Lauderdale, Fla. dia 9 di maart 2025. NOTA; E potret ta di e bishita di e barco crucero en cuestion, diaranson 12 di maart 2025, y ta cortesia di APA su pagina di Facebook.