Federacion di Ahedres di Aruba a participa na e 45th Chess Olympiad na Budapest, Hungria
ORANJESTAD - Manera ta conoci Federacion di Ahedres di Aruba a participa na e 45th Chess olympiad na Budapest, Hungary. Aruba women team lidera pa Annelaine Jacobs y Lourdes Moreno, como esnan di mas experiencia, conhuntamente cu talentonan hoben Thamara Sagastegui, Samantha Aponte y Sylvi Cabral, nan a logra 9 match points y 13.5 board points pa asina posiciona Aruba na lugar 132.
Den Open Aruba a wordo representa door di e veteranonan Candidato Maestro Octavio Croes y José Chelo Pesqueira, conhuntamente cu nos Fide Master Juan Pablo De Mey, tambe e dos talentonan hoben Ilya Stetsenko y Kyell Jean Antonio, cu a logra nan titulo di CM candidato
maestro. Aruba open a cuminsa na di 152 lugar y a termina na di 129, cu 9 match points y 20.5 board points. Bon pa remarca cu den open Aruba a gana 3 match 4-0 pa prome biaha. Como parti di delegacion a bai tambe Captain trainer Lazaro Bueno y Carol Pesqueira-Williams como Captain y hefe di delegacion.
Aruba Open Beach Tennis Championships ta introduci cobransa na entrada pa 2024
ORANJESTAD – Aruba Open Beach Tennis Championships, un di e eventonan mas iconico den e ITF Beach Tennis World Tour, ta bolbe na Bushiri Beach for di 10 pa 17 di november 2024. Pa prome biaha den su historia, e evento di ocho dia lo rekeri un entrada nominal, marcando un cambio significante den e manera cu e ta ser presenta na comunidad y invitadonan internacional.
Ban Uni pa Diabetes: Registra pa e di 7 Edicion di Diabetes Run & Walk
ORANJESTAD - Botica di Servicio, conhuntamente cu CMB, Healthy Lifestyle Center Aruba y Subway, ta uni e aña aki pa organiza e di 7 edicion di Diabetes Run & Walk 2024 cu lo tuma lugar riba diadomingo, 10 di november 2024.
Delegacion di ahedres di Aruba ta competiendo na Olimpiada Mundial di Ahedres na Hungria
BUDAPEST - Dia 9 di september 2024 delegacion di Ahedres di Aruba a sali pa Budapest Hungría pa competi na e di 45 Olympiada mundial di ahedres.
Ainda sin Messi, campeon mundial Argentina y Brasil tambe ta sigui perde
BOGOTA – E seleccion di futbol di Argentina a perde pa di dos biaha diamars anochi den e torneo di clasifikashon pa Mundial 2026. Na Colombia, e ekipo, sin e leciona Lionel Messi, a perde 2-1. E derrota, cu ta sigui diesdos victoria consecutivo, tin poco consecuencia.
SV Britannia a titula campeon di copa ABC na Boneiro
ORANJESTAD – Recientemente Minister di Deporte Endy Croes a ricibi ekipo di SV. Britannia cu a titula campeon di Copa ABC na Boneiro. SV Britannia ta nos campeon di Division di Honor 2023-2024 y bay representa Aruba na Boneiro den Copa ABC di 15 pa 19 di augustus ultimo. Un total di cuater (4) team a participa, esta Real Rincon campeon di Boneiro, Vespo subcampeon di Boneiro, Young Colombia campeon di Corsou y Britannia campeon di Aruba. Den final Britannia a hunga contra Young Colombia di Corsou y a derota Young Colombia cu e score di 2-1 y asina titula campeon di Copa ABC. E gol a keda anota pa e hobennan deportista Peter Susebeek y Fernando de Sousa. Prome biaha den historia cu Britannia ta gana Copa ABC y den nomber di Gobierno di Aruba, e mandatario di Deporte a otorga e medaya di 4D. Sr. Reinaldo Geerman cu ta forma parti di directiva di SV Britannia a indica cu den final Britannia tabata perdi 1-0, pero cu disciplina y determinacion di e team a logra gana e wega y trece e copa Aruba.
Venezuela ta elimina Aruba den ultimo inning despues cu Aruba tabata gana
WILLIAMSPORT – Aunke cu e seleccion di Aruba a sa di wanta e wega contra Venezuela bon na 1-0, na final toch Venezuela a logra empata e wega y despues bay cu e victoria den e ultimo inning, cu score di 2-1 eliminando Aruba asina di e Serie Mundial Little League 2024. Aruba for di comienso a habri e marcador 1-0 y cu tremendo pitcheo, a logra wanta e wega sin laga Venezuela score. Pero, manera a indica caba, tabata te na final cu Venezuela a probecha y yena base y despues di un tiro malo, a score e careda ganador. Venezuela ta hinca 2 careda, y dal 6 hit, mientras cu ARuba ta hinca 1 careda, dal 3 hit y causa 2 eror. Cu esaki, Aruba ta bay cas y Venezuela ta sigui na bida.
Follow NoticiaCla
