Caos abordo di crusero ora a tende cu ta cancela itinerario pa e.o. Aruba

MIAMI - “Nan tabata sa di e problema prome cu nos a subi e barco,” Ashley Ball a bisa e programa di television Mericano Inside Edition. “Nan djis no a bisa esey te ora nos tabata riba e barco caba, y, bo sa, a pasa door di duana y e liñanan y seguridad  y tur esey.” Noticiacla recientemente a raporta riba e caso inicialmente caba. 

Un motin casi a brota riba un crusero di Carnaval recien na Florida ora pasaheronan a haña sa cu nan vacacion planea a wordu cancela na fabor di un itinerario completamente nobo,

E huespednan riba e Vista solamente a haya sa riba e dia di salida cu en bes di bay rumbo pa Aruba, Curacao y Turks and Caicos, e barco lo ta parando den e hafnan di Nassau, Princess Cays, Freeport y Half Moon Cay.

Carnival a bisa e pasaheronan cu e cambio di rumbo tabata debi na problemanan di motor cu a prohibi e barco di move na velocidad completo unabes cu e sali for di Port Canaveral na Florida.

“Nos ingenieronan a bin ta trahando pa atenda un asunto cu ta limitando e velosidad di crusero di Carnival Vista,” e liña crusero a bisa den un declarashon. “Nos ta pidi nos disculpa pa e interupcion inespera aki na boso plannan di vacantie y ta desepciona cu nos lo no por entrega e crusero cu nos tabatin planea.” E liña crusero a ofrece un restitucion completo pa cualkier huesped cu tabata desea di cansela nan biahe of un voucher di $400 cu por a wordo usa abordo si nan opta pa biaha riba e barco apesar di e itinerario revisa.

Apesar di e ofertanan ei, pasaheronan tabata menos cu emoshona ora nan a haña sa e noticia.