- Croes: Salario minimo ta surpasa 2000 florin pa luna na januari 2025
- Papa Francisco ta kere cu Trump i Harris “ tur dos ta contra bida”
- Polis ta adverti pa 'postnan' violento y sexual riba Instagram
- Aruba a conoce un otro miyonario cu Lotto!
- Ainda e ganador di premio miyonario di Lotto di juli 2024 di AFL 1.650.000 no a cobra su premio!
Carnival Vista ta cancela bishita pa Aruba na september debi na problema cu propulsion
MIAMI - Di acuerdo cu un declarashon manda pa e huespednan reserva, e barco mester hasi reparacion y lo no por nabega for di Port Canaveral dia 7 di september 2024. E tabata poni pa yega Aruba dia 10 di September proximo, hunto cu e otro barco Carnival Celebrity y Celebrity Beyond. E barco ta carga maximo 5 mil turista.
E barco anteriormente tabatin problemanan di propulshon na 2019 cu a conduci na un reparashon unico pafo di awa.
“Nos ingenieronan a bin ta trahando pa atende un asunto cu ta limitando e velosidad di crusero di Carnival Vista. Nos tabata spera cu e asunto a wòrdo resolve cu algun trabou recien, pero nos no ta completamente einan y, lamentablemente, nos mester kita e barco for di servicio pa completa algun reparashon adishonal,” Carnival a bisa.
Navegando pa Sur di Caribe pa ocho anochi, e crucero cancela tabata programa pa haci bishita na Aruba, Curaçao, y Grand Turk.
Carnival tambe ta extende un 100 porshento di futuro credito crusero (FCC) pa pasaheronan por usa den un reservashon nobo cu e compania.
Gobernador a nombra Mercelina formado di gobierno nobo pa St. Maarten
W’STAD/PHILIPSBURG - Gobernadó di St. Maarten, Ajamu Baly a nombra den fin di siman tras di lomba lider polítiko di partido URSM i alabes promé minister demishonario, Luc Mercelina komo formadó. Esaki despues di a konsultá ku tur 7 partido ku a saka asiento durante elekshon di 19 di ougùstùs último i tambe despues di a tuma nota ku 4 partido, esta URSM, DP, PFP i SAM a firma dia 22 di ougùstùs un akuerdo di disponibilidat pa forma un gobièrnu nobo.
Consulado General di Merca na Corsou a anuncia Consul nobo
WILLEMSTAD – Consulado General di Merca na Curacao ta contento di anuncia yegada di Sr. John McNamara como Consul General di Merca na Curacao y Hefe di Mision na Aruba, Bonaire, Curacao, Saba, Sint Eustatius, y Sint Maarten.
Conseho Insular di Bonaire a huramenta e Arubiano Jacqueline Harewood como e griffier nobo
KRALENDIJK – Diaranson atardi, Conseho Insular di Bonaire a huramenta e Arubiano Jacqueline Harewood como e proximo griffier pa e isla. Harewood ta cuminsa asina un carera nobo te na Bonaire, despues cu na Aruba e la fungi hopi aña na DIMAS como un specialista riba e tereno di asilo politico.
Na St Maarten, URSM, DP, PFP y SAM ta firma akuerdo di disponibilidad
W’STAD/PHILIPSBURG.- Partidonan URSM, DP, PFP i SAM di St. Maarten a firma un akuerdo di disponibilidat pa forma un gobièrnu nobo. Huntu e kuater partidonan tin 9 asiento di parlamento.
Partido di Jacobs a gana pero Mercelina por sigui goberna despues di eleccion na Sint Maarten
PHILIPSBURG - E coalishon dirigi pa medico Luc Mercelina a sali mas fuerte for di e elekshon ku a tene na St. Maarten dialuna. Tanto e partido URSM di Mercelina mes, como partner di koalishon DP a gana un asiento mas, cu kada un tres asiento na tur. Di otro banda, e partido di Silveria Jacobs National Alliance, a gana e eleccion net net si conta e cantidad di voto.
Polis y soldat ta vigila cayanan di St Maarten awe pa eleccion Parlamentario
PHILLIPSBURG - Polis y soldad ta vigila cayanan di St Maarten awe pa eleccion Parlamentario. E ta un bista inusual riba Sint Maarten: no tin pasashi di un horcan, pero toch soldatnan hulandes y curasoleño ta patruya den cayanan di Philipsburg. Pa di dos biaha e aña aki, e votadornan di e isla lo bay vota. Nunca antes tabatin asina hopi polis riba tereno y nunca antes nan mester a haya sosten di militarnan.
Follow NoticiaCla
