Caso Avestruz ta cuminsa den Corte di apelacion awe mainta!

ORANJESTAD – Awe mainta 9’or Corte di Apelacion ta cuminsa trata e caso penal conoci como Avestruz na Aruba. Tres hues ta cuminsa cu interogacion di algun testigo cu a keda solicita pa wordo scucha den e caso. Manera cu Noticiacla a raporta anteriormente, Corte di Apelacion a reserva 2 siman completo pa trata e caso aki unda cu 7 sospechoso di cual varios a haya sentencia den e prome caso, tin cu aparece atrobe den corte pero awor dilanti 3 huez. Ta premira cu e parti principal di e caso mes ta cuminsa den careda di siman ora cu Ministerio Publico presenta e rekisitorio, pa otro siman e defensa cuminsa pa e 7 acusadonan. Noticiacla lo cubri gran parti di esaki pa asina relata esaki manera a haci den e caso anterior.