- AWSS: Medio mei por sinti e efecto nan positivo di e cambio na Bubali su planta
- Caso di Mike de Meza contra DIMP ta fin di mei awor!
- Na Corsou, Gobernador a huramenta Parlamento nobo
- Premier Schoof impresiona cu empresario Kock na Aruba
- Eman: Autosuficiencia y resiliencia Arubano a sobresali durante bishita di premier Dick Schoof
Na Corsou, casonan di dengue ta di preocupacion
WILLEMSTAD - Ministerio di salubridat ta informá ku kasonan di Dengue ta di preokupashon. For di fin di aña ta vigilando e malesanan transmití via sangura ku mas dedikashon komo ku den e region di Karibe i Sentro- i Sur Amérika ta reinando un situashon alarmante di kasonan di Dengue.
Tin algun siman kaba ku departamento di Epidemiologia ta opservá un oumento leve den kasonan di Dengue. Dor ku a opservá un oumento mas supstansial, a aktivá ampliashon di kontròl di parti di departamento di Technisch Hygiënische Zaken (THZ) pa ku fokonan di sangura e.o. esun Aedes aegypti. E sangura Aedes aegypti ta e “vector” o sea ku ta transmití/pasa e malesanan di Dengue, pero tambe di Chikungunya i Zika. Mester remarká ku kòntròlnan pa ku lugánan di brui di e sangura ta un trabou nònstòp di henter aña, kaminda nos tim ta bishitá entre otro kasnan di hende grandi, krèshnan, negoshinan ku ta akumulá tayer, kasnan ku renbak i mas.
Durante un ‘outbreak’ di kasonan di Dengue e trabounan ta focus tambe riba adrèsnan di posibel kasonan den sierto áreanan. Durante di e inspekshon di e tim ta señalá kaminda e sangura ta brui, i ta konsientisá dor di siña i yuda e habitante pa eliminá esaki.
GMN ta pidi komunidat di Kòrsou su koperashon pa asina por kontinuá pa realisá e trabounan aki. Ademas di esaki a kuminsá ku un kolaborashon ku CTB i sektor di Turismo pa logra asina informá e turista kon e por prevení pikánan di sangura i tambe informá, eduká i kontrolá hotèlnan i otro lugánan di hospedahe.
Den koperashon estrecho ku CMC, GMN ta haña informashon di kasonan di Dengue ku keda hospitalisá.
Di análisis preliminar por konkluí ku na tur tabatin 73 kaso de pashèntnan ku a keda hospitalisá relashoná ku Dengue. Un tersera parti ta trata di mucha i hóben mas yòn ku 20 aña; 20% ta trata di adulto grandi mas ku 64 aña.
Tambe di raportahe di CMC por a konkluí ku Dengue a eksigí 3 morto. E personanan tabata entre 20 i 40 aña.
For di e delaster ‘update’ di CMC tin dos persona ainda hospitalisá.
GMN ke enfatisá ku e problema di sangura i e malesanan ku ta keda transmití via piká di sangura ta un problema di nos tur. Sin kolaborashon di henter e pueblo no por logra kontrolá i kaba ku sangura na Kòrsou. Ta pidi un i tur pa revisá rondó di bo kas, bo kurá bo kaya pa shushi i potoshi ku lo por kontené awa pa evitá ku sangura por multipliká. Tur resipiente ku por wanta awa ta un posibel fuente pa un sangura por pone webu. Mester hasi tur esfuerso pa ‘rùimòp’ nos alrededor i asina logra baha e kantidat di sangura. NOTA: Texto ta scirbi den Papiamento fonetico di Corsou.
AWSS: Medio mei por sinti e efecto nan positivo di e cambio na Bubali su planta
ORANJESTAD – Aruba Wastewater Sustainable Solutions (AWSS) dialuna, a informa cu desde medio mei lo por cuminsa experencia e efecto nan positivo di e cambio nan ehecuta na Bubali su planta, caminda e planta lo ta den un bon condicion pa procesa e awa sushi cu e ta ricibi den un forma adecuadamente. AWSS a splica cu su meta pa e proximo luna nan ta pa improvisa e cualidad di e awa procesa na e nivel cu ta conforme e norma nan.
Wind Creek Aruba ta presenta e di 7 edicion di Long Table Aruba
ORANJESTAD – E di 7 edicion di Long Table Aruba, organisa pa Wind Creek Aruba, ta back pa un solo anochi, e unico mesa di cena di mas largo completamente blanco cu un balor di $60,000 pa Aruba. E evento di e anja aki lo tuma lugar diadomingo, 22 di Juni y lo conta cu un setup di un mesa largo di 1000 pia cu lo wordo prepara pa 1000 invitado bisti na blanco riba L.G Smith’s Boulevard dilanti Renaissance Wind Creek Aruba Resort. Tickets di entrada lo ta $60, lo por reserva esaki online diaranson 14 di Mei, pa exactamente 10:00 or di mainta!
Pastoor Maduro: Sorprendi cu nombramento di e Papa nobo, pero contento tambe
ORANJESTAD – “Pa ami esaki tawata un sorpresa grandi y Spirito Santo no tawata cu vakantie ora e Cardenalnan a vota“, tabata e prome reaccion di pastoor Jairo Maduro di parokia di Santa Cruz na NoticiaCla diabierna, riba e nombramento di e Papa nobo Leon XIV un dia prome. “ Ayera tawata un dia di hubilo pa mundo henter y Iglesia Catolico Romano, ora cua keda scohi un Papa Nobo den persona di Robert Francis Prevost Martinez cu a tuma e nomber di LEON XIV”.
JET-TNCA FBO Aruba a uni na Air Elite by World Fuel Network
ORANJESTAD - JET-TNCA FBO Aruba (JET-TNCA), opera pa Aruba Airport Authority N.V. (AAA), a anuncia cu oficialmente, for di aña pasa, Aruba a wordu reconoci como e FBO number 86 den e organisacion Air Elite by World Fuel Network. E logro aki ta e resultado di un proceso riguroso di dos aña, cu a inicia durante e NBAA Schedulers and Dispatchers Conference, caminda a invita JET-TNCA pa prome biaha como un posibel miembro. For di e tempo ey, e team di JET-TNCA a traha estrechamente cu e representantenan di World Fuel, Air Elite y otro miembronan, pa asina mantene un comunicacion directo y keda alinea cu e normanan di e red.
WEB: Tanki nobo di awa na Alto Vista ta garantisa suministro di awa stabil
ORANJESTAD – WEB Aruba N.V. diabierna a informa cu den cuadro di e proyecto pa construccion y instalacion di un tanki di awa pa Alto Vista, e siman aki a marca e centro di e tanki pa asina e preparacionnan final pa e instalacion di e vloer di staal por tuma luga. Na luna di november di aña 2022 a cuminsa cu e trabaonan di desmantelacion di e tanki di awa bieu. Fin di 2024 y comienso di 2025 a evalua solucionnan mas duradero pa e vloer, sea di concrete of di staal y finalmente a escoge pa un vloer di staal. E proyecto aki ta forma parti di “Upgrade Aruba Water Distribution Network” cu ta un proyecto mas grandi y integral cu ta encera construccion, instalacion di tanki nobo, cambio di pomp y tuberianan tur rond di nos isla. Pa WEB e inversion den un tanki nobo pa Alto Vista ta uno strategico y esencial.
SETAR empoderando educacion: tur scol na Aruba awo conecta riba Fiber!
Follow NoticiaCla
