Secretario di estado Hulandes cu a shuata biaha pasa na Aruba, ta bolbe nos isla e siman aki

DEN HAAG – E secretario di estado Hulandes cu durante su ultimo bishita aña pasa na Aruba a shuata ora di come na un restaurant y cu mester a kibra su biahe y bolbe Hulanda, ta haci un otro intento. E secretario di estado di Husticia y Siguridad, Eric van der Burg, ta hiba un bishita di trabou di cuater dia na e parti Caribense di Reino. Di 13 te cu 16 di maart e ta bishita consecutivamente Aruba, Corsou yBoneiru.   

BISHITA NA ARUBA

Durante su bishita na Aruba lo discutí entre otro tocante e posibilidadnan pa promove colaborashon entre autoridadnan di frontera. Tambe tin combersashon tocante posibel optimalisacion den e cadena di imigracion riba programa i lo discutí tocante e maneho di imigrashon i control di frontera.

BIAHA PASA

Biaha pasa cu van der Burg tabata na Aruba, e la bira dje malo  cu e mester a keda interna un anochi den hospital. No kier a confirma cu ta na e restaurant cu e la come e anochi prome cu e bishita oficial cuminsa, e la haya ‘foodpoisoning’, of si e la bin Aruba cu e virus den su curpa. E tempo ey, su vocero a confirma solamente na e portal aki cu enberdad e mandatario a bira dje malo, cu e mester a pasa un anochi den hospital, pa observacion. Despues di e malestar, a dicidi cu ta kibra e biahe y bolbe Hulanda envez di sigui pa e otro islanan. Na su yegada, a resulta cu e tabata mas malo cu a kere y cu e mester a retira di su funcion pa e por a recupera. Unabez recupera, e la asumi su funcion bek atrobe. Y awor e ta cla pa haci un intento mas pa bishita nos islanan.