FULTON COUNTY – E caso di alro perfil contra ex presidente Mericano Donald Trump unda cu e y algun co acusado ta acusa di desrumpi democracia na Merca despues cu e la perde e ultimo eleccion presidencial Mericano. Den un intento pa kibra credibilidad di e fiscal, un di e co acusadonan, ta acusa e fiscal di actuacion incorecto cu un colega. A bay asina leu di usa prueba di cu e fiscal Fani Willis tabatin un relacion amoroso cu un colega di trabou. Pa proba esaki, a usa documentonan cu ta mustra cu nan dos a cumpra pasashi y biaha pa San Francisco y Aruba y na Aruba, a comparti un camber di hotel na un hotel luhoso. Esaki lo a sosode na November di 2022. Cu esaki, kier purba kita e fiscal for di e caso aki.
MIAMI - Riba Google Maps na Merca, Golfo di Mexico awor ta wordo yama Golfo di Merca. E cambio ta resultado di un orden ehecutivo firma pa presidente di Merca Trump luna pasa.
CARACAS - Venezuela a manda dos avion pa Merca pa busca compatriotanan cu ta biba eynan ilegalmente. Segun e agencia di noticia AP, esaki ta indica un posibel mehoracion den e relacionnan entre e dos paisnan. Por lo menos un avion awor a yega aeropuerto di Maiquetia, net panort di e capital Caracas.
BRUSELAS – Lider di UE, Ursula von der Leyen, ta adverti presidente di Merca Donald Trump di un contrareaccion despues di su decision di impone un tarifa di importacion di 25 porciento riba hero y aluminio Europeo. “E tarifanan inhustifica aki riba Union Europeo lo no keda sin contesta y lo conduci na contramedidanan fuerte y proporcional.”
BRUSELAS – Comision Europeo a reacciona cu cautela riba e anuncio di presidente di Merca Donald Trump di impone invoerrechten nobo di 25 porciento riba hero y aluminio. Sinembargo, Bruselas ta adverti e mericanonan: “Nos lo respondé pa proteha e interesnan di companianan, trahadonan i consumidonan Europeo contra medidanan inhusto.”
JUNEAU- Trahadonan di rescate na Alaska a lansa un buskeda despues cu un avion no a logra yega su destinacion. Tabatin diez persona abordo: un piloto y nuebe pasahero.
WASHINGTON - Promé Minister di Israel Benjamin Netanyahu a sostene proposicion di presidente Mericano Donald Trump pa “tuma over” Gaza, mientras cu e ehercito di Israel a haya ordo pa prepara plannan pa cantidad grandi di Palestino bandona e teritorio.