ORANJESTAD - Diasabra 14 di januari ultimo a tuma luga e eleccion di reina di Colegio EPI den Entertainment Center. Un eleccion organisa pa e Bo-Groep di Unit Economia, cual ta trata di ocho studiante. E preparacion pa e evento a cuminsa for di algun luna pasa. E ta un tarea pa e materia di Bewegingsonderwijs(BO) cual tin como meta pa engrandece e parti di organisatie en leiding. Na final, e studiantenan ta recaudando fondo pa un studie reis den luna di februari.
E evento tabata un exito rotundo. Ta mira bek na un Entertainment Center bon bishita y cu cinco candidata di dos categoria; studiante y docente. Apart di e show, speech di e candidatanan, tambe tabatin presentacion live di Easy B, Daddy Bass, Ty y Casper. A conta cu presencia di reinanan saliente, candidatanan cu lo participa otro siman pa e eleccion di SMAC, presidente di SMAC, director di EPI y representante DPS.
E Bo-Groep ta gradici tur cu a sostene nan eleccion y yuda p’asina logra nan meta final y pa ricibi un punto tambe. Locual a subraya durante e evento tabata e premionan. Tabatin un cantidad grandi di premio cu a reparti entre e candidatanan, entre nan, e ganadonan a ricibi mas cu seis premio, cual ta pasashi, weekend stay, dinner pa dos y mucho mas. Ambos candidata cu a gana a confirma cu lo participa den e eleccion di reina di SMAC di otro siman riba Plaza Betico.
Resultado eleccion:
Categoria Studiante:
2nd runner up: Ariadna Harewood
1st runner up: Judienne Celaire
Winner: Jennely Winklaar
Social Media Queen: Jennely Winklaar
Popular Queen: Jennely Winklaar
Best show: Jennely Winklaar
Best speech: Jennely Winklaar
Best costume: Judienne Celaire
Miss Congeniality: Judienne Celaire
Categoria docente:
1st runner up: Rosmery Rondon
Winner: Geraldine Albertsz
Best show: Geraldine Albertsz
Best speech: Geraldine Albertsz
Best costume: Rosmery Rondon
Popular: Geraldine Albertsz
Social media: Geraldine Albertsz
ORANJESTAD – E banda popular di Trinidad Kes the Band ta confirma pa presenta durante e proximo edicion di Flip Flop Festival dia 1 di juni proximo. Durante un conferencia di prensa diahuebs atardi, organisadornan a anuncia esaki, como un di e varios bandanan internacional cu lo ta presente durante e anochi aki. E intencion ta pa dentro di 2 siman presenta demas artistanan internacional tambe. E evento lo tuma lugar riba Bushiri Beach, y lo ta parti den varios seccion. A cuminsa bende carchi caba awe unda cu e prome cantidad di carchi ta bay na 45 florin estilo ‘early bird’ pa tempo limita. Flip Flop Festival ta un producto di cerbez Chill, y Brouwerij Balashi hunto cu Tropical Bottling Company su productonan Coca Cola y Bacardi. Fuera di e artistanan internacional, lo tin artistanan local manera e.o. Tsunami.
ORANJESTAD – Diabierna awor tin estreno di e documentario localmente produci titula ‘I can’t be moe’. Un documentario unda cu e productor ta sigui e bida di e conocido personahe local Alice van Romondt durante 2 aña. Pregunta ta, con a yega na e titulo asina ‘captivo’, un combinacion di Ingles y Hulandes y con esaki a yega pa bira e titulo di e documentario. Tanto e productor Rebecca Roos, como e suheto di e documentario, Alice van Romondt a splica esaki den e programa Noticiacla LIVE diamars anochi. E documentario ta pasa diabierna anochi 19 di april pa 8'or di anochi den Cas di Cultura y ta costa 25 florin pa entrada.
ORANJESTAD – Manera a bira conoci caba, sigur anto pa tur amante di e genero musical aki, luna di april ta celebra mundialmente e aprecio pa jazz. Un di su promotor y exponentenan di mas grandi riba nos isla, esta e maestro di percusion Carlos Bislip a sa di prepara, un biaha mas, un merecido celebracion.
ORANJESTAD - Recientemente Fundacion Aruba One Happy Island Lions Club hunto cu Friends of Lions a organisa e prome “Tayo riba Mesa”, pa aña 2024. Esaki ta un proyecto den cuadro di e programa di Lions International “Hunger Relief”, caminda danki na e sosten di comunidad y Friends of Lions ta yuda famianan den necesidad.
ORANJESTAD - Diaranson anochi na Cas di Cultura, Minister Maduro di den nomber di Gobierno di Aruba, presenta un reconocemento na sr. Ivan Jansen pa su contribucion significante na e herencia cultural musical di Aruba. Segun e mandatario, den e documental presenta riba Jansen, nos ta cera conoci cu e musico Ivan hopi mas di acerca, ya e ta bay comparti su historia di su carera musical, su conocemento, produccionnan, su contribucionnan na diferente musiconan/artistanan local, alabes su logronan local y internacional y e retonan cu ela encontra durante su carera musical E mandatario a repasa e CV impresionante di e musico tambe, indicando cu Ivan no ta solamente un musico, un guitarista clasico y di jazz, sino tambe e ta productor, compositor, areglista, educador, lider di banda y empresario. “Nos ta sinti nos orguyoso di un video documental contando historia di un Arubiano y produci door di nos mes yiunan di tera. Cu e iniciativa di Ivan aki por inspira mas persona cu tin un historia pa conta, pa traha un documental. Asina nos por laga e historia atras pa generacionnan cu ta bini despues di nos” e mandatario a bisa entre otro.
ORANJESTAD – Conocido ciudadano di Aruba Alice van Romondt, ta bira e centro di atencion durante un documentario largo metrahe di e productor di cine Rebecca Roos cu lo ta visible durante e di 10 edicion di Curaçao Internacional Film Festival e siman aki. E documentario, titula “ I can’t be moe; Alice van Romondt (I can’t be tired)” ta keda present ana Corsou entre dianan. 12 y 14 di April. Un siman despues, lo estrena e pelicula akin a Cas di Cultura. Prome cu e estreno na Aruba tin oportunidad unico di wak un exposicion di un seleccion di Alice su collecion priva di arte den e sala di expo di Cas di Cultura for di 6:30 PM.