Benta di ALG na Hyatt no ta afecta Secrets Baby Beach hotel na Aruba

MIAMI – E hecho cu Hyatt Hotels Corporation recientemente a anuncia compra di e compania Apple Leisure Group (ALG)  ,-compania madre di AM Resorts, responsabel pa e proyecto hotelero nobo na Aruba Secrets Baby Beach Aruba-,  pa 2.7 biyon dollar, no ta afecta e proyecto hotelero na Aruba. Asina e compania ALG a sigura noticiacla e siman aki den un reaccion cortico.  “Por fabor nota cu ALG actualmente ta operando ‘business as usual’ te ora cu e deal ta cla den e di ultimo cuartal di 2021” nan ta sigui bisa. “Esaki ta aplica pa Secrets Baby Beach Aruba ,cu lo no wordo afecta pa e transaccion aki” e compania ta reitera. De hecho, segun ALG e compra, ta solamente beneficia e proyecto. Segun ALG, e experticio fuerte di Hyatt y e marca global, hunto cu e marca global fuerte di ALG, capacidad di operacion y e plan robusto di desaroyo lo resulta den un ekipo di maneho aun mas fuerte y pone aun mas recursonan disponible pa cu e exito di Secrets Baby Beach Aruba” e compania a finalisa bisando.