Hyatt a cumpra compania cu lo opera e hotel na Baby Beach

NEW YORK – Hyatt Hotels Corporation a anuncia compra di e compania Apple Leisure Group (ALG) pa 2.7 biyon dollars. Asina e portal financiero renombra Forbes ta raporta. Esaki ta interesante mirando cu esaki ta e mesun compania cu ta trahando y lo opera Secrets Resorts and Spa na Baby Beack na San Nicolas. No ta conoci si esaki lo tin un influencia riba e operacion di e hotel of e deak mes. Loke cu e deal ta menciona tambe ta cu tur loke ta tambe den proceso of desaroyo, lo bay cay bou di Hyatt, pues esun di Aruba tambe. Ademas ta menciona un parti specifico di e portfolio di ALG cu ta operando y construi Secrets. 

OPERADOR MAS GRANDI DI HOTEL LUHOSO ALL IN

Cu e compra aki, Hyatt ta bira mesora tambe e operador mas grandi di resortnan luhoso all inclusive na mundo. E compra ta inclui 33 mil camber di hotel den 10 pais, cu ta inclui Mexico y Caribe. Actualmente e portfolio di Apple Leisure Group ta conta cu aproximadamente 100 propiedad pa fin di 2021, cu ta e fecha pa cual  Secrets lo mester a originalmente habri su porta na San Nicolas. Ta papia tambe di e 24 dealnan den pipeline y cu un number mas di hotel den desaroyo. “Cu e deal aki, mas di 110 mil miembro di ALG su Unlimited Vacation Club lo pasa pa e grupo di Hyatt”. 

ARUBA SECRETS

Tabata na november di 2019 cu e plannan pa e hotel di 600 camber na Baby Beach na San Nicolas a keda anuncia oficialmente, como Secrets Resort & Spa cu mester a keda cla pa fin di 2021.