Biyonario Jeff Bezos a logra drenta espacio pa algun minuut cu su cohete

Posted on 07/20/2021 10:05 am AST | Updated on 07/20/2021 10:10 am AST

TEXAS – E homber mas rico na mundo, e biyonario Jeff Bezos a drenta espacio exitosamente diamars mainta y a keda algun minuut den espacio prome cu e la bolbe tera. Den 4 minuut e la yega 106 km di haltura y despues di 7 minuut e capsula New Shephard a aterisa bek den desierto di e estado di Texas. Hunto cu Bezos, a bay su ruman homber Mark, un ex instructor di buelo di NASA di 82 aña di edad y e hoben Hulandes di 18 aña Oliver Daemen. E buelo di e cohete Blue Origin, ta e prome cu hende a bordo. A test e cohete 15 biaha caba pero sin hende. E motibo cu e Hulandes a logra bula ta debi cu esun cu e gana e subasta (e la subasta 23 miyon dollar) no por a bay mas. No ta conoci cuanto e tata di Daemen a paga pa e buelo, pero ta den e centenares di miles di dollar. E intencion ta pa reusa e cohete y e capsula varios biaha den un tipo di biahe pa civil, promoviendo asina turismo espacial. 

BRANSON

E colega biyonario di Bezos, esta Richard Branson un siman prome a sa di yega espacio prome den su propio cohete Unity di e compania Virgin Atlantic. E biaha ey Branson a logra yega 80km den espacio, cu ta e frontera pa yega espacio. Segun e organisacion internacional di espacio FAI sinembargo, 100 km riba planeta tera ta e frontera cu espacio. 

 

 

 

  • Aruba su uniform Olimpico a haya reconocemento internacional!

    Aruba su uniform Olimpico a haya reconocemento internacional!

    TOKYO – E uniform Deportivo di e delegacion di Aruba durante e apertura di e Weganan Olimpico 2020 na Tokyo a hala atencion internacional, y particularmente den dos publicacion grandi cu ta People’ s Magazine y Yahoo.com.  Ambos a comparti e mesun informacion y texto y potret, pero tin dos diferente mercado. Segun e descripcion di e articulo, e delegacion di Aruba ‘ a trece colornan briyante na e ceremonia di apertura, cu e colornan berde y blauw berde den nan conhunto completo cu sombre’. 

  • Artistanan Carlos Arroyo, Nicky Jam y Jeon ta estrena “Morena”

    Artistanan Carlos Arroyo, Nicky Jam y Jeon ta estrena “Morena”

    MIAMI - Union ta hasi forsa y e colaboracion dinamico aki entre Carlos Arroyo, Nicky Jam conhuntamente cu Jeon ta trece nan ultimo hit “Morena”. Hopi medionan di comunicacion ta expresa cu e tema aki realmente ta uno excelente! E tema aki ta carga cu ritmonan urbano modernisa y alabes cu ritmonan clasico di reggeaton. Por scucha con Jeon ta canta diferente letra na Papiamento y Hulandes y ta te hasta referi na e pelotero professional local Xander Bogaerts y e truck di Piet. Pa mira un hoben manera Jeon habriendo caminda pa oportunidad pa talentonan den Caribe ta locual ta apasiona Jeon masha. E ta trese un orguyo hopi grandi pa henter Caribe pa por mira Jeon su logronan, y sin duda e ta ricibi un apoyo hopi grandi cu esaki.

  • Mal tempo a causa varios morto na Alemania y Belgica

    Mal tempo a causa varios morto na Alemania y Belgica

    HEERLEN – Por lo menos 42 persona a fayece debi na mal tempo causando inundacion na parti di Alemania y Belgica. Riunan a sobrepasa nan borde causando e inundacionan y a pone awa yena casnan cu awa y causando hopi morto.  

  • Awe Xander Bogaerts ta den lineup inicial di All Star Game di MLB

    Awe Xander Bogaerts ta den lineup inicial di All Star Game di MLB

    DENVER – Pa di 3 biaha di su carera, e pelotero professional Arubano Xander Bogaerts ta participa den e All Star Game di Major League Baseball awe y pa di 2 biaha e ta den e lineup  inicial como bateador # 3. Esey ta mustra su popularidad si mira cu ta via votamento popular cada hungador ta logra drenta y participa. E hecho cu e ta inicia e wega, no ta nifica cu e lo keda den e wega completo, pasobra ta custumber cu ta cambia hungadornan pa asina mayoria hungador eligi haya chens pa participa tambe. Un otro punto interesante di e wega ta cu e pitcher pa American League, Ohtani Shohei no solamente ta pitcha sino tambe bati y ta habri e lineup como e prome bateador pa liga Americana. Ta masha poco esaki ta sosode na Merca. 

  • Presidente Cubano ta culpa influencia Mericano pa protestanan

    Presidente Cubano ta culpa influencia Mericano pa protestanan

    HAVANA – Presidente Cubano Díaz-Canel a bisa dialuna cu e protestanan di diadomingo contra e regimen comunista ta resultado di e ahogamento eocnomico di Merca y e campaña di medionan social contra revolucionario. Miles di persona den e capital Havana y otro ciudadnan a protesta subiendo caya. Tabata e protestanan di mas grandi den hopi aña. Awe tabatin hopi polis den Havana pero no tabatin mas protesta. Presidente Mericano Joe Biden a bisa cu e ta para hunto cu e pueblo Cubano pa libertad y e lucha contra e oppression y tambe Coronavirus. El a pidi e gobierno Cubano pa scucha e pueblo y cumpli cu nan petiicon envez di enrikese nan mes. 

  • Weganan olimpico na Tokio lo tuma lugar sin precencia di publico

    Weganan olimpico na Tokio lo tuma lugar sin precencia di publico

    TOKIO – Weganan Olimpico na Tokio lo tuma lugar sin publico. Osea tribunanan lo keda bashi. E comision organisador den consulta cu gobierno Hapones y comitee olimpico internacional (IOC) a dicidi pa den bista di e preocupacion di e pandemia, no permiti publico riba e localidadnan Deportivo den e capital. “Ta duel nos pa tur cu a cumpra carchi”  Seiko Hashimoto di e organisacion a bisa. A dicidi for di Maart caba pa no permiti amantenan di deporte for di exterior pa ta presente. E intencion tabata pa ciudadanonan di Hapon si presencia e weganan. E stadionan lo por tabata yen pa 50% cu un maximo di 10 mil persona. Pero a dicidi diahuebs pa yama un estado di emergencia pasobra e cantidad di casonan a aumenta hopi liher atrone. E estado di emergencia ta conta te dia 22 di augustus proximo. Esaki tur kier men cu e organisacion Hapones tin cu debolbe mas of menos 600 mil carchi. For di Hulanda a cumpra 15 mil carchi. Na tur, e 4.5 miyon carchi a bay pa Haponesnan, pero tur esaki awor ta cambia. 

  • Powered by SETAR