KvK no ta contento cu a manda cera tiendanan pa fin di siman Santo

KvK no ta contento cu a manda cera tiendanan pa fin di siman Santo

Posted on 04/1/2021 4:21 pm AST | Updated on 04/1/2021 4:22 pm AST

ORANJESTAD – Camara di Comercio (KvK) di Aruba no a keda contento cu e decision di gobierno anuncia diahuebs mainta, cu a dicidi pa cera tur tienda durante e fin di siman largo Santo. Presidente di gremio Omar Tromp den un conferencia di prensa urgente diahuebs atardi, a bisa cu e ta considera cu esaki no ta manera pa traha y sigur no di forma adhoc. Ademas ta cuestiona si esaki ta realmente pa motibo di Covid19 of religioso. Esaki pasobra bo ta bay haya un cantidad di persona ta bay core cumpra cos diahuebs atardi, creando filanan largo cu ta algo cu bo no kier den un pandemia. 

CAMBIO

Segun Tromp, tabata apenas diamars cu gobierno a publica cu tiendanan ta haya ontheffing pa ta habri e dianan di fiesta. Tiendanan a prepara nan personal y schedule, solamente pa tende diahuebs mainta diripiente cu cos a cambia y cu awor nan tin cu cera toch. Algo cu segun e gremio comercial, nan no ta di acuerdo cu ne. 

  • Powered by SETAR