Docentenan di CSN y Minister Lampe ta sigui den impasse

Docentenan di CSN y Minister Lampe ta sigui den impasse

Posted on 01/12/2021 4:01 pm AST | Updated on 01/12/2021 4:21 pm AST

SAN NICOLAS – Docentenan di Colegio San Nicolas (CSN) y minister di enseñansa Rudy Lampe ta para liña recta contra otro diamars merdia ainda, pa declaracionan haci di e mandatario un dia prome. Docentenan a pidi rectificacion algo prome cu merdia, mientras cu e mandatario a manda un reaccion un ora despues indicando cu ningun ora el a yama e docentenan pa ‘corupto’ y cu ta media a bisa esey. Pero aparantemente e carta ey nunca a yega, pasobra pa 2’or diamars e docentenan a bay publico cu e info cu ainda nan no a haya nada. a reacciona publicamente. Pues no ta conoci unda e discrepancia ta(bata). 

E SITUACION

Tabata minister di enseñansa Rudy Lampe cu dialuna mainta den su conferencia di prensa dialuna   a informa publicamente cu un grupo di docente (16) a haci nan mes culpable di cosnan irregular segun un rapport di inspectie di enseñansa. E docentenan a reacciona rabia mesora dialuna y a protesta. Diamars mainta atrobe nan a haci esaki pero via un carta bisando cu ainda nan ta wardando un clarificacion/rectificacion di e mandatario. E docentenan a bisa cu nan a manda un carta pa directiva di e scol,  unda cu nan bisa cu e contenido di e conferencia no ta cuadra y ta mal informa comunidad. A pidi tambe pa papia cu un representante di DPS y oficina di minister.  Pero ta solamente inspectie a indica cu lo papia cu e cuero di docente.  E carta di docente a wordo manda prome cu 12’or. Pa algo prome cu 1’or minister a mail e contesta, cu e portal aki tin den su poder. No ta conoci unda e discrepancia ta ainda. 

 

  • Noticiacla ta desea bo un feliz Dia di Betico

    Noticiacla ta desea bo un feliz Dia di Betico

    ORANJESTAD – Awe Aruba ta recorda fecha natalicio di su yiu di tera porta mas conoci, Gilberto Francios ‘Betico’ Croes. Si e tabata na bida, awe e lo a cumpli 82 aña di edad. Docente di profesion, el a drenta politica na un edad hoben, y na caminda a funda e partido politico Movimiento Electoral di Pueblo (MEP). Responsabel e.o. pa inicia proceso pa Aruba haya su himno y bandera, y pa finalmente concretisa Status Aparte pa Aruba, el a fayece na 1986, e mesun aña cu Aruba a haya su status nobo. 

  • Aruba a registra 15 caso positivo di Covid19 awe

    Aruba a registra 15 caso positivo di Covid19 awe

    ORANJESTAD -  Segun resumen di awe 68 persona a recupera, a registra un total di 15 caso nobo di Covid-19, di cual 13 ta residente y 2 no-residente. Cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 452 test. 'Postivity rate' entre nos residentenan ta 14%.

  • Aruba a registra 55 caso nobo positivo di Covid19 awe

    Aruba a registra 55 caso nobo positivo di Covid19 awe

    ORANJESTAD -  Segun resumen di awe , a registra un total di 55 caso nobo di Covid-19, di cual 53 ta residente y 2 no-residente. 74 persona a recupera.

  • Crisis Team: Aruba ta registra 4 morto relaciona cu Covid19 den un siman

    Crisis Team: Aruba ta registra 4 morto relaciona cu Covid19 den un siman

    ORANJESTAD  – Covid-19 Crisis team di Gobierno manera informa anteriormente, a bisa cu awe a keda registra 4 persona cu a fayece na hospital di Covid-19 corona virus durante di un siman. Dos di e personanan a fayece ayera 21 di Januari y e otro dos personan a fayece dia 17 di Januari. E procedura pa registra e fayecidonan segun e protocol a haci cu awe por a anuncia e fayecidonan cu dos caso cu ta retrasa. E edad promedio di e fayecidonan ta di 77 aña.  Crisis Team y Gobierno di Aruba ta extende palabranan di profundo condolencia na e famianan. Un advertencia di parti di Crisis Team ta bay na un y tur den nos comunidad, cu e mihor manera pa salba bida di bo famia, amistad y di bo mes ta mediante, distanciamento social, evita lugarnan cu hopi hende, uza tapaboca tur momento, aplica higiena di man regularmente, boost bo defensa comiendo hopi berdura y fruta y tuma bo vitamina C, D y Zink segun bo necesidad y bebe bo remedinan segun indicacion den caso di malesanan cronico. Dentro di poco Aruba lo ricibi vacuna contra Covid y nos comunidad henter lo por ricibi e proteccion cu nos mester.

  • No lo tin sorteo di Lotto dialuna 25 di januari

    No lo tin sorteo di Lotto dialuna 25 di januari

    (ADVERTORIAL)

  • Aruba ta raporta 4 morto di Covid19 y 30 caso positivo nobo awe

    Aruba ta raporta 4 morto di Covid19 y 30 caso positivo nobo awe

    ORANJESTAD -Aruba ta raporta un cantidad di 4 morto awe di Covid19 y 30 caso positivo nobo. Tin pa informa cu e 4 fayecidonan cu a keda regista awe, 2 a fayece ayera y 2 DVG su seccion di Epidemiologie a wordo informa di nan cu retraso. Por remarca si cu tur tawata interna den hospital pa extra cuido. Edad promedio di esnan cu a fayece cu of di covid-19 ta 77 aña. Segun resumen di awe  85 persona a recupera, a registra un total di 30 caso nobo di Covid-19, di cual tur ta residente. Cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 560 test. 'Postivity rate' entre nos residentenan ta 13%.

  • Powered by SETAR