Presidente di Parlamento a keha Minister na Ministerio Publico

ORANJESTAD – Presidente di Parlamento Ady Thijsen a entrega keho na Ministerio Publico contra minister Marisol Lopez Tromp pa Awe Ady Thijsen a entrega keho na Ministerio Publico contra Marisol Lopez-Tromp pa “calumnia y difamacion”. Ta trata di e acusacion di e minister, cu sr Thijsen lo a pidi pa cambia e lista di votacion y pone un hende cu no a vota, como cu si e la vota, refiriendo na e parlamentario Alan Howell. Segun Thijsen, Howell a declara cu el a vota, cu ta haci e declaracion di Lopez, segun Thijsen, castigable. Segun Thijsen, e no ta permiti pa hende atacha integridad ni di dje, ni di Parlamento. El (Thijsen) a confirma esaki den un conferencia di prensa diamars mainta (cu e portal aki no tabata invita pe). 

KICO A SOSODESegun Thijsen, e tin prueba cu Howell a vota. A splica cu e griffier ta esun cu ta nota. Ora cu tin votacion, ta e griffier ta marca e papel di votacion. E ta sigura cu e griffier a actua corecto, y cu e (Thijsen) no mag di scirbi riba e papel. Thijsen a bisa cu el a bisa e griffier pa marca e cantidad di votonan cu tabatin, pasobra e mes (Thijsen) a pidie. Segun e presidente, ora cu Lopez acusa Thijsen, el a haci e griffier complice di e declaracion. "El a pone instituto di Parlamento den problema. E ta un acusacion fuerte. E ta acusa presidente di Parlamento" Thijsen a bisa.