Bonaire: Gobierno den colaboracion cu WEB ta reduci tarifa di coriente

KRALENDIJK - Entrante 1 di januari 2015 preis di coriente lo baha cu 2 sent pa kilowatt cu caracter retro activo. Despues cu gobierno di Bonaire a logra yega na un acuerdo cu Curoil pa rebaha preis di gasolin na december ultimo, i a anuncia caba cu tabata negoshando cu WEB pa loke ta trata tarifa di coriente, awor por confirma cu WEB lo baha prijs di coriente januari aki.

“Nos ta sumamente contento cu nos esfuersonan hunto cu gerencia i hunta di directiva di WEB, a duna fruta pa awor nos por anuncia un bahada den e preis di coriente for di 1 di januari 2015 aki.” Diputado di Desaroyo Economico i Finansa señor Edsel Winklaar a declara. “Esaki no solamente ta trece un alivio pa e pueblo consumido i casnan di famia, pero tambe ta nifica un reduccion di gasto pa negoshi. Hunto cu tambe e bahada den preis di gasolin na comienso di luna pasa, esaki mester traduci su mes den mas forsa di compra i un impulso economico,” segun diputado Winklaar.

E reduccion di preis di coriente ta posibel entre otro dor di e bahada di preis di petrolio riba mercado international. Colegio Ehecutivo di Bonaire a acorda e reduccion di tarifa di coriente di WEB cu 2 sent USD pa KWH entrante prome di januari 2015 conforme e stipulacionnan di e consecion di 9 di januari 2009, alaves tambe como accionista di WEB