Varios scol a anuncia caba cu nan no ta cla pa habri dialuna awor

ORANJESTAD – Varios scol diahuebs a participa caba cu nan no ta habri dialuna awor, aunke cu gobierno a anuncia un dia prome cu dialuna awor e prome scolnan ta habri. Gobierno a anuncia cu entrante dialuna 18 di mei, scolnan por cuminsa habri. Esnan cu ta cla, por lo menos. Y e siguientenan por habri dia 25 di mei proximo. Pero ya por lo menos 5 a anuncia caba cu nan no ta cla pa habri. Ta trata di Colegio San Hose, Princes Amalia, Cacique Macuarima, EPB y Pius X. Tur a sea manda carta pa mayornan of a pone un post riba nan pagina di Facebook. E prome cu noticiacla.com a tuma nota di dje, ta Pius X School na Dakota. Lesa e carta y e raportahe di e scol ey AKI. Mester bisa cu mayoria scolnan cu no ta habri, a usa e mesun carta.