Pius X School lo no habri otro siman dialuna

ORANJESTAD – Por lo menos un scol na Dakota (Pius X School) diahuebs a anuncia caba cu nan lo no habri dialuna awor 18 di mei 2020. Esaki como respuesta na e decision anuncia diaranson pa prome minister Wever, cu ta cuminsa habri scolnan dialuna awor. Asina e cabesante di scol Sheila Tromp a participa na mayornan pa via di un carta. “ Mi ta clarifica y bisa cu cada scol lo bai habri den e simannan venidero, pero segun e posibilidad di cada scol. Esaki pa motibo cu pa cada scol e condicionnan pa start bek ta diferente. Y cada scol mester bai traha pa cumpli lo maximo posibel na e condicionnan cu Departamento di Salubridad (DVG) a stipula” Tromp ta bisa.” Ora cu yega e momento cu Pius X School ta cla pa habri, nos lo notifica tur mayor via nos medionan di custumber, Whatsapp, Classdojo of Google classroom. Esaki nos lo haci cu suficiente tempo di anticipacion” e cabesante a sigui splica. 

CONDICIONAN STIPULA

Segun e cabesante, actualmente nan ta trahando hunto cu demas scol di SKOA pa yega na cumpli cu e condicionnan stipula. Di e forma aki sigura mas cu ta posibel pa ora e alumnonan bin bek na scol, cu nan ta den un edificio safe y hygienico tanto pa nan como pa nos personal di scol. “ Mientrastanto lesnan ta sigui online manera nos a bin ta hasi for di principio di e situacion di COVID 19” Tromp a sigui bisa. Lesa e carta completo AKI.