Koolman: Segun protocol uza, cantidad di morto di COVID-19 na Aruba ta corecto

ORANJESTAD – E protocol cu Aruba ta usando pa registra mortonan relaciona cu COVID-19, ta sigura cu e cantidad di morto cu tin na Aruba pa e virus, ta corecto. Esey mester compronde di e hefe di Dienst Besmettelijke Ziektes (DBZ) di Departamento di salud (DVG) Sharline Koolman-Wever.  Segun Koolman su contesta na noticiacla.com, tur medico na Aruba debidamente a ricibi un protocol con pa yena un acta di fayecimento durante pandemia di COVID-19. Pues cu esey mester compronde cu nan ta haci nan trabou segun e protocol ,y como tal mester sali di e punto di salida cu e cantidad di mortonan registra pa COVID, ta corecto. 

CUESTIONA PA VMSA 

E tema ta bin a raiz di e cuestionamento di asosacion di specialistanan di Aruba (VMSA) recientemente riba e cantidad real di morto a consecuencia di COVID-19. Manera cu e portal aki a raporta recientemente, segun un raport cu VSMA a traha riba e tema di COVID-19, nan ta splica cu nan tin duda cu si enberdad tur 3 morto ta relaciona cu e virus. Sigur e prome dosnan nan ta cuestiona. Pero manera cu Koolman a contesta e pregunta di e portal aki dialuna anochi durante e briefing di coronavirus COVID-19, basa riba e protocol usa, no mester tin duda riba e cantidad di morto, y cu como tal e cifra ta corecto. 

PROTOCOL TA FUNCIONA

Koolman a splica mas aleu, cu personanan cu a wordo diagnostic cu COVID-19 y a fayece, ta wordo registra como morto a consecuencia di COVID-19. “E virus ta ocasiona e causa di morto” Koolman a sigui splica. “E causa direct ta otro. Por ehempel, e por muri di un trombolismo, causa pa COVID. Pesey e morto ta wordo registra asina” Koolman a continua bisando. Segun Koolman, e pensamento tras di esaki ta,cu si e victimanan no a haya COVID-19, nan lo no a muri. “Mediconan na Aruba a haya instruccion. Nan a haya un protocol, con pa yena e causa di morto durante e pandemia aki. Unabez cu e causa di morto wordo yena, segun un acta di fayecimento, e ta bay censo, y censo  ta mande pa departamento di salud publico y eynan ta haya e data. E personal cu ta entrena pa PAHO, ta selecta y yena e causanan di morto”. Koolman a sigui splica.