Minister Oduber evaluando pa apela sentencia di Staring

ORANJESTAD – Gobierno (lesa: minister Dangui Oduber) ta evaluando pa apela e sentencia awe mainta den e caso cu director di Directie Volks Gezondheid a gana. Den e sentencia, huez a revoca 4 decision tuma pa minister contra e director. Segun Oduber su reaccion pa noticiacla, ‘e sentencia di awe ta relata na entre otro diferente decision temporario’. " Den un di nan a instrui Sr. Staring pa e traha como beleidsmedewerker na BOV, pendiente un overplaatsing", segun Oduber. E mandatario ta ‘evaluando diferente opcion legal, incluyendo un apelacion’. 

PENSAMENTO

E pensando di Oduber ta cu cierto cosnan no a wordo tuma na cuenta. “ Tin cierto puntonan cu no a wordo adresa den e decision di corte di awe, pues no ta corecto pa bisa y conclui cu cualkier ‘limitacion’ na sr. Staring mester keda elimina” Oduber a bisa, refiriendo nan e analisis di e abogado di Staring. . “Ministerio hunto cu su conseheronan legal ta evaluando diferente opcionan legal cu tin, incluso un apelacion y lo actua debidamente” e mandatario a finalisa bisando. Lesa e sentencia AKI.