Aruba a pidi Hulanda formalmente pa ayudo relaciona cu COVID-19

ORANJESTAD/DEN HAAG – Gobierno di Aruba a haci peticion na Hulanda formalmente pa aplica articulo 23 di e ley di LAFt, y tambe articulo 36 di statuut di Reino Hulandes. E prome, esun di LAFt ta laga e pais en cuestion desvia di e reglanan stipula pa e supervision, debi na p.e. un calamidad. Y e articulo 36 di Statuut ta stipula cu paisnan den Reino mester asisti otro cu ayudo y sosten. E carta di 4 pagina a keda manda pa minister Raymond Knops. 

AGENDA

Den e carta di 4 pagina, a describe e situacion completo di Aruba pa cu coronavirus, incluyendo e ‘breakdown’ di e suma cu mester di entre 1.2 pa 1.3 biyon florin cu Aruba mester. A pidi pa e mandatario Hulandes pone e tema di e solicitud formal riba agenda di Conseho di Minister di Reino (RMR) di diabierna awor 27 di maart 2020. E ora RMR mester aproba esaki, habriendo caminda pa Aruba cuminsa cana. 

CAFT Y RUTTE

Mester bisa tambe cu minister Rutte a haci peticion caba na e colegio di supervision financiero di Aruba CAFt  pa un conseho riba e tema aki. Mes momento mester remarca cu CAFt mientrastanto a contesta caba y a duna un conseho positivo pa Hulanda bay di acuerdo cu e peticion (lesa articulo adhunto). Lesa e carta di Aruba pa gobierno di Hulanda AKI.